Биологик фаол қўшимчаларнинг ноқонуний ҳаракатига чек қўйилди

Божхона органлари томонидан сифати кафолатланмаган товар-моддий бойликларнинг божхона чегаралари орқали олиб ўтилишининг олдини олиш борасидаги ишлар изчиллик билан давом эттирилмоқда.

Хусусан, Қорақалпоғистон Республикаси божхона бошқармаси Контрабандага қарши курашиш ва божхона аудити бўлими ходимлари томонидан “Қорақалпоғистон” темир йўл станциясида йўловчи поездининг вагони божхона кўригидан ўтказилди.

Натижада, хорижий мамлакатдан кириб келган фуқаро С.Б.да божхона ходимининг оғзаки сўровида айтилмаган ва йўловчи божхона декларациясида кўрсатилмаган, ҳеч қандай ҳужжатларга эга бўлмаган, сифати кафолатланмаган оғзаки сўровга кўра қиймати 12,1 миллион сўмлик 33 дона “NUTRILIТE” номли биоактив қўшимчалар борлиги аниқланди.

Мазкур ҳолат юзасидан божхона органлари томонидан суриштирув ҳаракатлари олиб борилмоқда. «Замин»ни Telegram’да ўқинг!