15:23 / 07.03.2021
809

Андижонда хандақ қазиётганда тупроқ босиб қолган фуқаро қутқарилди

Андижонда хандақ қазиётганда тупроқ босиб қолган фуқаро қутқарилди
Фото: Фавқулодда вазиятлар вазирлиги
Андижонда Фавқулодда вазиятлар вазирлигининг вилоят бошқармаси ходимлари хандақ қазиш жараёнида тупроқ босиб қолган фуқарони қутқариб олди. Бу ҳақда вазирлик матбуот хизмати хабар қилди.

Қайд этилишича, ҳодиса 6 март куни Андижон шаҳрида содир бўлган. Шаҳарнинг Бобуршоҳ кўчасида 25 ёшли эркак хавфсизлик чораларига риоя қилмасдан йўл бўйлаб хандақ қазиётган бўлган. Хандақ юзасига тўпланган тупроқ ишчининг устига тушиб, босиб қолган.

Ҳолатга гувоҳ бўлганлар дарҳол Андижон вилояти Фавқулодда вазиятлар бошқармаси қутқарув гуруҳига қўнғироқ қилган. Бир неча дақиқада етиб келган Фавқулодда вазиятлар вазирлигининг қутқарувчилари жабрланувчини қутқариб, шу вақтда етиб келган тез ёрдам ходимларига топширган.

Енгил жароҳатлар олган эркакка кўп ўтмай касалхонадан жавоб берилган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Андижонда хандақ қазиётганда тупроқ босиб қолган фуқаро қутқарилди