Қибрайда Темир дафтарга деярли 100 миллион сўм йўналтирилди

Мажбурий ижро бюроси Қибрай туман бўлими иш юритувида Тошкент шахар суди иқтисодий ишлар бўйича суд хаъйатининг ижро варақасига асосан, қарздор “BAYTQO’RGON-ARIPOV XAITVOY” Ф/Хдан ундирувчи давлат фойдасига жами 90 963,6 минг сўм давлат божи ундириш белгиланган.

Мазкур ижро ҳужжати Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 23-моддасига асосан ижро иши юритишни қўзғатиш тўғрисида қарор қабул қилиниб, қарор нусхалари тарафларга юборилган.

Бундан ташқари, Қонуннинг 21,86-моддаларига асосан қарздор “BAYTQO’RGON-ARIPOV XAITVOY” Ф/Хнинг ҳисоб рақамларига банд солинган ва инкассо топширикномаси хизмат кўрсатувчи банкга тақдим этилган.

Олиб борилган мажбурий ижро ҳаракатлари давомида қарздор “BAYTQO’RGON-ARIPOV XAITVOY” Ф/Хдан 90 963,6 минг сўм давлат божи пуллари ундирилишига эришилди. Мазкур ундирилган пул маблағлари ижтимоий ҳимоя учун мўлжалланган Темир дафтарга туширилди.

Янгиликлар