14:45 / 02.04.2021
1 376

Зоир Мирзаев: «Муҳтож оилаларга қурилган арзон уйларни ҳокимият ишчилари олган»

Зоир Мирзаев: «Муҳтож оилаларга қурилган арзон уйларни ҳокимият ишчилари олган»
Қаршида қурилган арзон уйларнинг катта қисмини ҳокимият ишчилари олган. Бу ҳақда Қашқадарё вилояти ҳокими Зоир Мирзаев 31 март куни Қамаши туман «Баландчайла» МФЙ ҳудудида сектор раҳбарлари, масъул идора раҳбарлари ва ташкилот вакилларининг халқ олдидаги ҳисоботида маълум қилган.

Унда сўз олган вилоят ҳокими Зоир Мирзаев туманда қурилиши мўлжалланган кўпқаватли арзон уй-жойларни ажратишда биринчи навбатда жамоатчилик вакиллари, оқсоқоллар билан маслаҳатлашиб уйларни ҳақиқий эгасига беришни, Қарши шаҳрида қурилган уй-жойларни кимларга берилгани ва яна ўзининг ташаббуси билан ҳақиқий эгаларига топширилганини мисол тариқасида айтиб ўтган.

«Қашқадарёга янги тайинланган пайтим Қарши шаҳрида қурилган арзон уй-жойларнинг эгаларини суриштирганимда, 92 та хонадондан 23 тасини ҳокимиятнинг ишчилари олган бўлиб чиққан. Барчасини чақириб, шармандасини чиқариб, оддий фуқароларга олиб берганмиз», — деди у.

Эслатиб ўтамиз, Шавкат Мирзиёев раислигида 3 март куни уй-жой қурилиши ва ипотека бозорини ривожлантириш чора-тадбирлари бўйича видеоселектор йиғилиши ўтказилганди. Унда давлат раҳбари «2021 йилда 54 минг оилани уй-жой билан таъминлашимиз зарур», деб таъкидлаганди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Зоир Мирзаев: «Муҳтож оилаларга қурилган арзон уйларни ҳокимият ишчилари олган»