Ўзбекистон мусулмонлари идораси фатво бўлими мудири Ғуломиддин Холбоев Рамазон ойида туғилган фарзандларга қандай исм қўйиш лозимлиги ҳақидаги саволга жавоб берди.
Ғуломиддин Холбоевнинг таъкидлашича, шариатда Рамазонда туғилган болага рўзага мослаб исм қўйиш шартлиги ҳақида кўрсатма йўқ. «Бола Рамазон ойида туғилса, Рамазон, Рўзи ва Ҳайит исмини қўйиш керак» деган ва яна шунга ўхшаш гаплари асоссиз ва ислом динига алоқаси йўқ.
«Мусулмончилик анъаналарига кўра, Аллоҳ таолога бандалик маъносини ифодаловчи, пайғамбарлар, саҳобалар, алломалар, солиҳ кишилар ва тақволи оналаримизнинг исмларини қўйиш мақсадга мувофиқдир.
Унутмайлик, Рамазон — Қуръони карим нозил бўлган ой бўлгани учун айнан шу ойда Қуръони каримни кўпроқ ўқиш тавсия қилинади. Зеро Қуръони карим энг улуғ, энг афзал зикрдир. Бундан ташқари, тасбиҳ (Субҳааналлоҳ), таҳлил (Лаа илааҳа иллаллоҳ), истиғфор (Астағфируллоҳ), ҳамд (Алҳамдулиллаҳ), такбир (Аллоҳу акбар) ва Расулуллоҳ саллаллоҳу алайҳи васалламга салавот айтиш ҳам энг афзал зикрлар саналади», — деган Ўзбекистон мусулмонлари идораси фатво бўлими мудири.
Эслатиб ўтамиз, Ўзбекистонда Рамазон ойининг бошланиши 13 апрель этиб белгиланди. Рамазон ойида Ўзбекистондаги 1400 га яқин масжидда Қуръони карим хатм қилинади ва таровиҳ намозлари ўқилади.
Тошкент шаҳрида таровиҳ намози муносабати билан ҳар Рамазон оқшомида (13 апрелдан 12 майга қадар) — соат 18:00 дан 23:00 гача масжидлар яқинидаги йўллар транспорт воситалари ҳаракати учун ёпилади. Рамазон оқшомида пойтахтдаги қатор автобуслар йўналиши ҳам ўзгаради. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Damas учун онлайн контрактация очилади
Германиянинг Knauf компанияси Россиядан бутунлай чиқиб кетишини тасдиқлади
Швейцария президенти Путинга мактуб йўллади
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
АҚШнинг Суриядаги ҳарбий базасига ракеталар ҳужум қилди
Ўзбекистонда ўтган уч ойда қанча автомобиль ишлаб чиқарилган?