2 164
Нурмат Отабеков: «Биз аҳолини коронавирусга чалинганлигидан қатъи назар эмлашимиз керак»
Ўзбекистонда фуқаролар коронавирусга чалинган ёки чалинмаганидан қатъи назар, эмланиши шарт. Бу ҳақда 23 июль куни АОКАда ўтказилган матбуот анжуманида Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат Отабеков маълум қилди, дея хабар бермоқда «Дарё».
Анжуманда журналистлар «Бир ёки ярим йил ичида коронавирусга чалиниб тузалган шахсларда антитаналар бўлса ҳам коронавирусга қарши вакцина олиши керакми?», деган савол билан масъулларга мурожаат қилди. Саволга Нурмат Отабеков жавоб берар экан Жаҳон соғлиқни сақлаш ташкилоти (ЖССТ) агар бемор касалликка чалиниб, ундаги клиник белгилар тўлиқ ўтган бўлса, эмлашга рухсат берилганлигини таъкидлаб ўтди.
«ЖССТнинг фикрига кўра, кимки касалликни енгил ўтказган бўлса, уларда ҳосил бўлган антитана титри пастроқ, кимки касалликни узоқроқ ва оғирроқ ўтказган бўлса, уларда антитаналар титри бир мунча юқорироқ бўлади. ЖССТга кўра касалликка чалинганлик ва чалинмаганликдан қатъи назар, эмланиш шарт. Демак, биз аҳолини касалликка чалинганлигидан қатъи назар, эмлашимиз керак. Касалликка чалинганларни кимдир уч-олти ойдан кейин эмлаётган бўлса, бу уларни эмлаш мумкин ёки мумкинлигидан эмас, балки ўша вақтда эмланиши керак бўлган аҳоли қатламига вакцинани етказиб беролмагани учунгина вақтдан ютишга уринишяпти», – деди Нурмат Отабеков.
Инновацион ривожланиш вазирлиги қошидаги Илғор технологиялар маркази биотехнологиялар лабораторияси мудири Дилбар Далимованинг «Дарё»га маълум қилишича, касаллик давом этаётган вақтда вакцина олмаслик лозим.
«Касал бўлиб туриб, мен COVID эмасман, шунчаки шамоллаганман, бориб вакцина олсам коронавирусга чалинмайман», деб вакцина оладиганлар ҳам бор. Касалликка чалинишдан олдин ёки кейин эмас, балки айнан касалликка чалинган пайти шошилиб вакцина олишади ва касаллик ривожланишида вакцинани айблашади», – деди марказ мутахассиси. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди