23:28 / 29.07.2021
2 799

Италиялик дизайнер Ўзбекистон герби ва байроғи акс этган пойабзаллар тақдим этди


Фото: @glamour.boutique
Италиялик дизайнер Стефано Риччи томонидан яратилган оёқ кийимларда Ўзбекистон герби ва байроғи тасвирланган. Мазкур ҳолат Ўзбекистон Республикасининг давлат рамзлари – байроқ ва гербга нисбатан ҳурматсизлик ҳисобланади, дея баёнот берди Адлия вазирлигининг Жамоатчилик билан алоқалар бўлими.

«Ўзбекистон Республикаси қонун билан тасдиқланадиган ўз давлат рамзлари – байроғи, герби, ва мадҳиясига эгадир. Давлат рамзларининг мавжудлиги Ўзбекистоннинг амалда мустақиллигини яққол тасдиқлайди.

Ўзбекистон Республикаси давлат мустақиллигининг рамзлари муқаддас бўлиб, уларни ҳар қандай йўл билан таҳқирлаш қонун билан жавобгарликка тортилади.

Фото: @glamour.boutique
Ўзбекистон Республикаси «Давлат герби тўғрисида»ги қонунининг 51-моддасига мувофиқ Ўзбекистон Республикаси Давлат гербининг тасвири туширилган белгилардан ишлаб чиқарилаётган ёки реализация қилинаётган товарларни (ишларни, хизматларни) ўтказиш учун тижорат мақсадларида фойдаланиш мумкин эмас», — дейилади баёнотда.

Стефано Риччи яратган коллекциядан футболка, жинси шим, кепка, поло, спорт костюмлари ҳам ўрин олган. Масалан, эмблемали оқ кроссовкани 18 000 000 сўмга, кўк рангдаги замш кроссовкани эса 24 000 000 сўмга сотиб олиш мумкин.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Италиялик дизайнер Ўзбекистон герби ва байроғи акс этган пойабзаллар тақдим этди