09:22 / 07.08.2021
2 773

Ўзбекистон ОТМларига кириш учун 5 августда ўтказилган имтиҳонларнинг натижалари эълон қилинди


2021 йил 5 август куни олий таълим муассасаларининг бакалавриат таълим йўналишларига кириш учун ўтказилган тест синови натижалари эълон қилинди.

‍5 август куни тест синовларида иштирок этган абитуриентлар ўз натижаларини «my.dtm.uz» сайтидан паспорт серияси ва рақами ҳамда шахсий идентификация рақамини киритган ҳолда билишлари мумкин.

Олий таълим муассасаларининг бакалавриат таълим йўналишларига кириш тест синовларида иштирок этган абитуриентлар ўз натижаларини тест синови ўтказилган куннинг эртасига 4 хил усулда билишлари мумкин:
1️. «my.dtm.uz» сайтидан паспорт серияси ва рақами ҳамда шахсий идентификация рақамини киритган ҳолда;
2️. «mandat.dtm.uz» сайти орқали абитуриент қайд варақаси ёки абитуриент рухсатномасида кўрсатилган абитуриентнинг ID-рақамини киритган ҳолда;
3️. давлат тест марказининг қуйидаги Telegram-ботларига абитуриент қайд варақаси ёки абитуриент рухсатномасида кўрсатилган абитуриентнинг ID-рақамини юборган ҳолда:
  • @mandat2021bot;
  • @mandat2021_1_bot;
  • @mandat2021_2_bot;
  • @mandat2021_3_bot;
  • @mandat2021_4_bot.
4️. абитуриент рухсатномасининг қуйи қисмидаги QR-код (натижани кўриш учун ҳавола)ни сканер қилган ҳолда.

arenda kvartira tashkent
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Янгиликлар » Жамият