Жиззахда бир гуруҳ аёлларнинг ўзаро жанжали акс этган видео юзасидан ИИБ маълумот берди

^{Кадр: Telegram}
Жиззах вилояти ИИБ ижтимоий тармоқларда тарқалган бир неча аёл ўртасида юзага келган жанжал видеоси бўйича расмий маълумот берди.

Ижтимоий тармоқларда ўзаро жанжаллашаётган аёллардан бирини ажратишга уринган эркак улардан бирининг сочини юлиб олгани тасвирланган.

Маълум қилинишича, видеодаги ҳолат Ғаллаорол тумани «Дўстлик» маҳалласида рўй берган. Низога 8 ёшли боланинг фуқаро томонидан қуритишга қўйилган адёлга лой оёғини артиши сабаб бўлган. Буни кўрган адёл эгаси болани қарғаган ва жанжал келиб чиққан.

Воқеа жойига икки нафар профилактика инспектори етиб бориб, келишмовчиликни бартараф қилиш чораларини кўрган. Ҳолат бўйича терговга қадар текширув олиб борилмоқда. “Замин” янгиликларини “Одноклассники”да кузатиб боринг