Валижон Шамшиев Яшнободдаги «Баркамол авлод» болалар мактабига директор этиб тайинланди

^{Фото: Республика «Баркамол авлод» болалар мактаби}
Қизиқчи ва сўз устаси Валижон Шамшиев Тошкент шаҳри Яшнобод тумани «Баркамол авлод» болалар мактаби директори лавозимига тайинланди. Бу ҳақда Республика «Баркамол авлод» болалар мактаби матбуот хизмати хабар берди.

«Ҳаммамизнинг мақсадимиз битта — Ўзбекистон келажагини янада гуллатиб яшнатиш ва унинг учун фарзандларимизни тарбиялаш. Фарзандлар тарбиясида қўлимдан келганча сизлар билан биргаликда хизмат қиламан», — дея ўз хизмат вазифасига киришди санъаткор.

^{Фото: Республика «Баркамол авлод» болалар мактаби}
Таъкидланишича, тайинлов Халқ таълими вазирлиги хулосаси асосида амалга оширилган.

Маълумот учун 2019 йилнинг октябрида Президент қарорига мувофиқ, Халқ таълими вазирлиги тасарруфидаги «Баркамол авлод» республика ва ҳудудий болалар марказлари негизида Республика ва ҳудудий «Баркамол авлод» болалар мактаблари ташкил этилган эди. «Баркамол авлод» болалар мактабларида 2020/2021-ўқув йилидан бошлаб «STEAM — таълим» дастури жорий этилиши белгиланган. “Замин” янгиликларини “Twitter”да кузатиб боринг