Коронавирусни чаён заҳри билан даволашни таклиф қилишди

Шотландиядаги Aбердин университети ва Мисрдаги Сувайш канали университети олимлари ўтказган тадқиқотга кўра, чаён заҳри коронавирусни даволаш учун асос бўлиши мумкин. Бу ҳақда университетлардан бирининг сайтида чоп этилган пресс-релизда айтиб ўтилган.

Уларнинг заҳарида биологик фаол пептидлардан ташкил топган «антиқа коктейль» бор. Баъзилари кучли антибактериал ва вирусга қарши таъсирга эга, дейилади ҳужжатда.

Олимларнинг ғояси заҳарни токсинлардан тозалаш ва бу ҳашаротлар секрециясининг бир қисми бўлган биологик фаол моддаларни ажратишдир.