14:04 / 27.11.2021
1 530

Ўзбекистонда коронавируснинг тўртта штамми аниқланган

Ўзбекистонда коронавируснинг тўртта штамми аниқланган
Ўзбекистонда ҳозирга қадар COVID-19 нинг тўртта штамми аниқланган. Бу ҳақда Инновацион ривожланиш вазирлиги хабар берди.
Маълум қилинишича, 2021 йилнинг боши ва биринчи чорагида коронавируснинг алфа штамми тарқалиши кузатилган бўлса, шу йилнинг иккинчи ярмида дельта штамми кенг тарқалган.

«Ҳозирга келиб эса илгари қайд этилмаган янги мутациялар аниқланмоқда, бу босқичда маълумотлар умумлаштирилади ва уларнинг биоинформатик таҳлили, шунингдек, тадқиқот натижалари нашрга тайёрланади», — дейилади хабарда.

Илғор технологиялар маркази директори ўринбосари профессор Алишер Абдуллаевнинг фикрича, Ўзбекистонда COVID-19 нинг тўртта штамми мавжуд. Уларнинг биттаси «асл» Ухань штаммига яқин, у коронавирусга чалинганларнинг тахминан 1 фоизида аниқланган. 20А штамми эса 7 ҳолатда кузатилмоқда. Шунингдек, яна бир тури «британча» штамм бўлиб, у эса тахминан 10 фоизда қайд этилган. Шу билан бирга, беморларнинг 82 фоиздан ортиғи — дельта штамми («ҳиндча») билан зарарланган.

Эслатиб ўтамиз, 2021 йил 30 январь куни коронавируснинг «британча» штамми Ўзбекистонга кириб келгани маълум бўлганди. У 23 январь куни Дубайдан қайтиб келган 10 ёшли қизчада аниқланган. ССВ эса коронавируснинг янги штамми аниқланган қизча ҳақида нима учун 1 ҳафтадан кейин эълон қилинганига изоҳ берганди. 17 апрель куни бош вазир Абдулла Арипов бошчилигида коронавирусга қарши кураш комиссиясининг кенгайтирилган йиғилишида Ўзбекистонга коронавируснинг «африкача» штамми кириб келгани айтилганди. Июнь охирларида Ўзбекистонда коронавируснинг «ҳиндча» штамми аниқланган эди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Ўзбекистонда коронавируснинг тўртта штамми аниқланган