Тошкентда аёл рашк сабаб эрини пичоқлаб қўйди

Тошкент шаҳри Янгиҳаёт туманида аёл норасмий эрини рашк қилиб пичоқлаб қўйди, дея хабар бермоқда Тергов департаменти.

Қайд этилишича, 2022 йилнинг 2 февраль куни соат 20:00 ларда Янгиҳаёт тумани «Файзли» МФЙда яшовчи 50 ёшли Н.В. ва унинг бирга яшовчи норасмий хотини 36 ёшли В.Й. маст ҳолатда бўла туриб, ўрталарида келиб чиққан жанжал оқибатида В.Й. хонадонда бўлган ошхона пичоғи билан Н.В.нинг кўкрак қафасига бир маротаба уриб, тан жароҳати етказган.

Оқибатда Н.В. олган тан жароҳатлари билан Республика шошилинч тиббий ёрдам илмий марказига ётқизилиб, РШТЁИМ томонидан берилган бирламчи маълумотномага кўра, Н.В.да кўкрак қафасида кесиб санчилган жароҳати, мастлик ҳолати мавжудлиги ва ҳаёт учун хавфли бўлган оғир тан жароҳати эканлиги кўрсатилган.

Мазкур ҳолат юзасидан Янгиҳаёт бўйича тумани ИИО ФМБ ҳузуридаги Тергов бўлими томонидан В.Й.га нисбатан Жиноят кодексининг 104-моддаси 2-қисми «л» банди (қасддан баданга оғир шикаст етказиш) билан жиноят иши қўзғатилиб, процессуал тартибда ушланган.

Тергов давомида жиноятнинг келиб чиқиш сабаби ўрганилганда, шу куни гумонланувчининг уйига унинг қўшниси 42 ёшли С.О. меҳмонга келиб, биргалашиб спиртли ичимлик истеъмол қилган вақтида жабрланувчи қўшни аёлни қучоқлаганидан В.Й. рашки келиб, жанжаллашган. Оқибатда юқоридаги ҳолат вужудга келгани маълум бўлган.

Бу турдаги жиноятлар учун Жиноят кодексининг нормаларига кўра, 5 йилдан 8 йилгача озодликдан маҳрум қилиш жазоси белгиланган. “Замин” янгиликларини “Facebook”да кузатиб боринг