10:48 / 13.02.2022
843

Тошкентдаги «Янгиобод» бозорида ёнғин содир бўлди

Тошкентдаги «Янгиобод» бозорида ёнғин содир бўлди
Фото: Фавқулодда вазиятлар вазирлиги
Тошкент вилояти Яшнобод туманида 13 февраль куни бозорлардан бири ёниб кетди. Бу ҳақда Фавқулодда вазиятлар вазирлиги хабар қилди.

Қайд этилишича, шу куни соат 07:48 да туманнинг Янгиобод кўчасида жойлашган «Янгиобод» бозор ҳудудида ёнғин бўлаётгани тўғрисида туман ФВБга хабар келиб тушган.

Шунга кўра, 4 та ёнғин-қутқарув экипажи воқеа жойига соат 07:52 да етиб бориб, ёнғин соат 08:11 да ўраб олинган ва соат 08:17 да бартараф этилган.

Ёнғинда бозор ҳудудида жойлашган ошхона, сомсахона ва расталарнинг тахминан 120 квадрат метр майдонда томи, шифти ва жиҳозлари ёниб зарарланган.

Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғиннинг келиб чиқиш сабаби ва келтирилган моддий зарар миқдори аниқланмоқда.
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Янгиликлар » Жамият