Шавкат Мирзиёев: «Тошкент ва Самарқандда Туркия маданият кунларини ўтказишни таклиф қиламан»

Туркия президенти Ражаб Тоййиб Эрдўғон 29 март куни Ўзбекистонда бўлиб турибди. Айни вақтда икки мамлакат етакчилари иштирокида Ўзбекистон—Туркия стратегик шериклик кенгашининг иккинчи йиғилиши бўлиб ўтмоқда, деб хабар берди «Дарё».

Маълум қилинишича, Шавкат Мирзиёев таълим соҳасида ҳамкорлик давом эттирилиб, мамлакатда янги университетлар иш бошлашини айтиб ўтган.

«Соғлиқни сақлаш вазирликлари ўртасида ҳам йўл харитаси имзоланади. Ўтган йили Анқара ва Истанбул шаҳарларида Ўзбекистон маданият кунлари муваффақиятли ўтказилди. Жорий йилда Тошкент ва Самарқанд шаҳарларида Туркия маданият кунларини ўтказишни таклиф қиламан. Шунингдек, зиёрат туризми бўйича қўшма дастур ишлаб чиқишни таклиф қиламан», — дейди Ўзбекистон президенти. «Замин»ни Telegram’да ўқинг!