Euronews каналида бир ҳафта давомида Ўзбекистон ҳақида бир дақиқалик сюжетлар намойиш этилади

Шундай роликлардан дастлабкиси Канн кинофестивалида Ўзбекистон Миллий павильонининг фаолиятига бағишланди.

Видеоёзувлар Destination Uzbekistan кампанияси доирасида намойиш этилади. Инглиз ва рус тилларидаги янгиликлар дастурида мамлакатимиз ҳаётидаги аҳамиятга молик воқеалар ҳақида сўз боради. Айтиб ўтиш жоизки, Канндаги Павильон аллақачон халқаро режиссёрлар ва продюсерлар эътиборини тортган. Улар билан кино ва телевидение соҳаларида қўшма лойиҳаларни амалга ошириш бўйича ҳамкорликдаги келишувларга эришилди, меморандумлар имзоланди ва иш режаси белгиланди.

Кампаниянинг мақсади – Ўзбекистоннинг янги имижига эътиборни жалб қилиш, туризмни ривожлантириш ва обрўсини ошириш, Ўзбекистоннинг хорижда замонавий, интеллектуал ва рақобатбардош мамлакат сифатида намоён бўлишида кўмаклашишдан иборат.

Компания ўз ишини июнь ойида давом эттиради ва Европада яшовчи ўзбеклар ҳақида «Ўзбекистонлик» фильмининг иккинчи қисмини суратга олиш жараёнларини ёритади. Шунингдек, 2022 йил июнь ойи охирида Туризм ва маданий мерос вазирлиги, Ёшлар ишлари агентлиги ва Берлиндаги Ўзбекистон элчихонаси кўмагида Берлинда бўлиб ўтадиган New Uzbekistan халқаро форуми тўғрисида ҳикоя қилади. “Замин” янгиликларини “Инстаграм”да кузатиб боринг