Режиссор Николай Лебедевнинг “Экипаж” филми ўтган дам олиш кунлари натижаларига кўра Россия киноижарасидаги энг даромадли филмлар рўйхатини бошқарди, дея хабар беради “ТАСС”.
Данила Козловский ва Владимир Машков бош ролларни ижро этган картинани илк уик-эндда 1,4 миллион киши кўрган ва у 434,9 миллион рубл ишлаб топган. Шу тариқа, “Экипаж” кейинги йилларда дебюти молиявий жиҳатдан омадли бўлган Россия филмлари орасида “Вий” (579,4 миллион рубл) ва “Сталинград” (509,8 миллион рубл) картиналаридан кейинги учинчи ўринда қайд этилди.
Ўтган ҳафтада россиялик томошабинлар эътиборини ўзига тортган филмлар бешлигидан, шунингдек, “Чангалзорлар китоби” (118,5 миллион рубл), “Оппоғой ва овчи 2” (36 миллион), “Робинзон Крузо: ўта гавжум орол” мултфилми (22,3 миллион) ва “Жониворлар шаҳри” мултфилми (10,8 миллион) ўрин олди, дейилади "Дарё" нашрида. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
