Экранларда ажойиб жуфтлик бўлса-да, ҳаётда бир-бирини кўрарга кўзи йўқ актёрлар (фото)

Фильм ёки сериал яратиш учун катта жамоа келишиб ишлаши керак. Аммо кучли ва дўстона жамоада ҳам кимдир кимдир билан келишолмайди. Ва кўпинча бу бир-бири билан соатлаб биргаликда ишлаши керак бўлган актёрлар бўлади.

Жулия Робертс ва Хью Грант

^{Фото: Фильмдан кадр}
1999 йилда экранларга чиққан «Notting Hill» фильми Жулия Робертснинг энг яхши фильмларидан бири ҳисобланади. Экранда у шериги Хью Грант билан ҳақиқий ошиқлардек эди, жуфтлик томошабинлар томонидан илиқ кутиб олинади. Аммо севишганлар ролини ўйнаган актёрлар кадр ортида бир-бирини кўрарга кўзи йўқ эди. Бунинг сабаби — Грант бир неча бор Робертсга оғзининг катталиги ҳақида ҳазил қилганди.

Бироқ Жулия ҳамкасбининг ташқи кўриниши ҳақидаги қўпол сўзлари учун кечиради ва ҳатто у билан бошқа фильмда рол ўйнаш қизиқарли бўлишини айтади.

Брюс Уиллис ва Силвестр Сталлоне

^{Фото: Фильмдан кадр}
Брюс Уиллис «Чегарасиз-3» фильмидаги роли учун гонорарини оширишни сўрагач, кино афсоналари ўртасидаги муносабатлар бузилади. Унинг илтимоси қондирилмайди ва у лойиҳани тарк этади. Бунга жавобан Силвестр Сталлоне ҳамкасбини «очкўз» ва «дангаса» деб атайди. Кейинчалик юлдузлар ярашишади ва Сталлоне Уиллисдан кечирим сўрайди.

Дуэйн Жонсон ва Вин Дизель

^{Фото: Фильмдан кадр}
Икки юлдуз ўртасидаги жанжал 2016 йилда «Форсаж-8» фильмини суратга олиш пайтида бошланган. Миш-мишларга кўра, Дуэйн Жонсон суратга олиш майдончасига доимо кечикиб келган ва баъзида умуман келмайди. Бошқа манбаларга кўра эса Вин Дизель худди шундай қилган.

Аммо Жонсон ижтимоий тармоқларда аёл ҳамкасбларини мақтаб, баъзи эркак ҳамкасбларини нопрофессионалликда айблаган пост ёзмаганида, мухлислар блокбастер пардаси ортида жиддий жанжаллар бўлаётганини билишмасди.

Жейсон Ли ва Шеннен Доэрти

^{Фото: Фильмдан кадр}
«Супермаркетдаги базм» фильмида Жейсон Ли ва Шеннен Доэрти ажрашган севишганлар ролини ўйнайди. Шундан сўнг актёр шеригини «қўпол, тантиқ ва ўта ёқимсиз» деб атайди.

Пирс Броснан ва Тери Хетчер

^{Фото: Фильмдан кадр}
Актёрлар «Агент 007: Ўлим вақти эмас» фильмини суратга олиш жараёнида келиша олишмайди. Тери Пирсни соатлаб кутишга мажбур қилади, шунинг учун ҳам у актрисага жуда қаттиқ гапларни айтади. Кейинчалик кечикишлар сабаби аниқ бўлади — Хетчер ҳомиладор бўлиб, эрталаб оғир токсикоздан азият чекарди.

Жек Николсон ва Рей Уинстон

^{Фото: Фильмдан кадр}
Актёрлар «Муртадлар»да бирга ўйнашган ва Уинстоннинг сўзларига кўра, бир-бирлари билан унчалик яхши тил топишмаган. «Ҳамма уни яхши кўради. Мен ҳам уни ажойиб йигит деб ўйлашни хоҳлайман. Эҳтимол, у оғир кунларни бошдан кечиргандир», — дейди Рей Жек Николсон ҳақида.

Харрисон Форд ва Шон Янг

^{Фото: Фильмдан кадр}
«Тиғ устида югурувчилар» фильмидаги бош қаҳрамонларни ўйнаган актёрлар бир-бирларини шунчалик ёмон кўришганки, суратга олиш гуруҳи уларнинг биргаликдаги саҳналаридан бирини «нафрат саҳнаси» деб аташган.

Софи Лорен ва Марлон Брандо

^{Фото: Фильмдан кадр}
Софи Лорен «Гонконглик графиня» фильми суратга олиш жараёнида Марлон Брандо унга ҳаддан ташқари эътибор қарата бошлаганини сезгач, гаплари ва «ўткир» нигоҳ билан тезда ўз ўрнига солиб қўяди. Актрисанинг сўзларига кўра, шундан кейин у билан ишлаш қийин бўлган. “Замин” янгиликларини “Twitter”да кузатиб боринг