Жамила Ғофурова ва Ойдин Юсупованинг интернет нашри учун хорижий хонандалар Шакира ва Бейонсенинг рақсига қилган тақлидлари қаттиқ танқид остига олинди. Газета ва интернет нашрларда кенг муҳокама қилинган бу рақс куни кеча давлат каналида ҳам зиёлилар томонидан танқид қилинди, деб ёзмоқда "Diydoraziz.uz" сайти. Ушбу танқидлар ёмғирига актрисанинг ҳам ўз жавоблари бор деган мақсадда унга юзландик. Жамила Ғофурова эса бизга шундай фикр билдирди.
“Биласизми, бу аввало ТВда кўрсатиш учун мўлжалланган клип эмас. Бу “”… ” келин кўйлаклари салонинг оқшом кўйлакларини реклама қилиш учун ишланган ролик холос. Сайт муаллифлари мендан Шакира образини яратиб беришни сўрашди. Мен эса актриса сифатида Шакиранинг рақсини ижро этганман. Шундоқ ҳам айнан Шакирадек рақсга тушмаганман, у каби рақсга тушишни биламан лекин, меъёрни билган холда ўйнадим. Либослар рекламаси бўлгани учун кўйлак орқаси турли кўринишларда номоён қилинган. У ерда мени кўкрак қисмим, оёқларим очиқ эмас. Ваҳоланки шундай очиқ либосларда катта саҳналарга ётиб олиб чиқиб куйлаётган хонандаларимиз ҳам бор. Нега улар гапирилмайди, бизнинг кичкина ролигимиз шундай катта муҳокамаларга сабаб бўлди. Бу ўта кулгили, шундай жиддий кўрсатувга бошқа мавзу топилмадими? Актриса рақс тушишни, куйлашни ҳам эплаши керак. Мен ўзимдан сўралган нарсани ўйнаб беришга харакат қилганман холос. Бу роликни ўзи нима ва қаерда намойиш қилиш учун мўлжалланганлигини тушунмасдан туриб тахлил қилишларининг ўзи кулгили. Хафа бўлишмасин-ку лекин, ТВда чиқарканман деб оғиз кўпиртириб танқид қилганлари менга рости кулгили туйилди. Бу кичкинагина ролик бу даражада оммалашиб, бунчалар қораланишини кутмаган эдим. Тез орада янги клипда рақсга тушаман. Ана унда ҳақиқий рақсимни кўришингиз мумкин.” «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
