Леонардо Ди Каприо янги фильмда суратга тушмоқда (фото)

Голливуд юлдузи Леонардо Ди Каприо режиссёр Пол Томас Андерсон томонидан суратга олинаётган янги фильмнинг суратга олиш жараёнида кўриниш берган.

^{Фото: Instagram}
Актёр суратга олиш майдончасида ифлос костюм, жинси шимда, шунингдек, катта кўзойнак ҳамда кулранг қалпоқчада таниб бўлмас даражада ўзгарган.

^{Фото: Instagram}
Бўлажак фильмнинг суратга олиш жараёнлари Шимолий Калифорниянинг Юрека шаҳрида бўлаётгани айтилмоқда.

Ди Каприонинг пуллик телефондан фойдаланаётгани ва тирналган юз билан ерга йиқилганидан оғир дамларни бошдан кечираётган инсонни гавдалантираётганини кўриш мумкин.

^{Фото: Instagram}
Фильмнинг сюжети ҳозирча номаълум. Шунингдек, картинада Шон Пенн ва Режина Ҳолл каби таниқли актёрлар ҳам иштирок этмоқда. “Замин” янгиликларини “Telegram”да кузатиб боринг