Озодбек Назарбековнинг “Мендирман” клипи АҚШда ўтказилган кинофестивалда эътироф этилди

^{Фото: Instagram}
Ўзбекистон халқ артисти Озодбек Назарбековнинг “Мендирман” клипи Лос-Анжелес шаҳрида бўлиб ўтган INDIE SHORT FEST кинофестивалининг “Энг яхши клип” номинациясида ғолибликни қўлга киритди. Режиссёрлар Нодир ва Хуршид Собировлар томонидан ишланган ушбу клип мутахассис ва томошабинларда катта таассурот қолдирган.

Қувонарлиси шундаки, бу клип 2023 йили Лос-Анжелес шаҳрида Cine Gear Expo 2023 кўргазмасида ҳам эътироф этилганди. Яъни 60 дан ортиқ давлатдан келган иштирокчилар орасидан “Мендирман” қўшиғига суратга олинган клип “Мусиқий ва қисқа метражли фильмлар” номинацияда иштирок этиб, “Энг яхши клип” деб эълон қилинганди.

^{Фото: Instagram}
Эслатиб ўтамиз, клип 2018 йили “9999” студияси томонидан суратга олинган, YouTube тармоғида 7 миллионга яқин кўрилган. “Замин” янгиликларини “Telegram”да кузатиб боринг