Ижтимоий тармоқларда Голливуд фильмлари ихлосмандлари барча даврларнинг энг яхши актёрини танлади. Машҳур актёрлардан Бред Питт ва Жонни Депп тўпланган овозлар сони бўйича рейтингда юқори ўринларни эгаллади, аммо биринчиликни қўлга кирита олмади. Биринчи ўринни “Оскар” мукофоти совриндори, “Шоушенкдан қочиш”, “Лондоннинг қулаши”, “Етти” фильмлари юлдузи Морган Фриман олди.
Фото: Depositphoto
Сўровнома натижалари ListChallenges
порталида эълон қилинди. Рейтингга кўра, 87 ёшли актёр ва режиссёр Морган Фриман энг кўп, яъни 133 та овозни қўлга киритган.
“Матриса” ва “Жон Уик” фильмларидаги роллари билан танилган канадалик актёр Киану Ривз иккинчи ўринни эгаллади. Кучли учталикка “Кариб денгизи қароқчилари”, “Алиса мўжизалар мамлакатида” ва бошқа машҳур фильмларда суратга тушган актёр Жонни Депп киритилди.
Тўртинчи ва бешинчи ўринларга мос равишда Энтони Ҳопкинс ва марҳум актёр Робин Уильямс муносиб деб топилди. Қизиғи шундаки, овоз беришда иштирок этган ва биринчи ўринларни эгаллаши мумкин бўлган кўплаб машҳурлар рейтингда анча ортда қолди. Хусусан, Брюс Уиллис, Ҳью Жекман, Леонардо Ди Каприо, Лиам Нисон, Арнольд Шварценеггер, Силвестр Сталлоне ва бошқалар камроқ овоз тўплади. Мазкур сўровномада жами 150 нафар актёр номзоди қўйилди. Охирги ўринни Стивен Сигал эгаллади.
Фото: Unian.net
Морган Фриман таниқли америкалик актёр, режиссёр ва продюсер. Унинг карьераси телевидениеда бошланган. У 30 ёшида “Салом, Долли” мюзиклида рол ўйнади. Бироқ актёр иштирокидаги бу лойиҳа муваффақиятсизликка учради. Аста-секин Фриманнинг карьераси ва шахсий ҳаёти пасая бошлади ва уни “Кўча йигити” фильмига таклиф қилинганидан кейингина 50 ёшли актёрнинг карьераси ниҳоят яхшилана бошлади. Унинг актёрлик маҳорати танқидчилар томонидан олқишланди ва Фриман 1990 йилларда машҳур актёрга айланди. Орадан вақт ўтиб у “Етти” ва “Шоушенкдан қочиш” каби фильмларда суратга тушди. Актёр “Оскар” ва Олтин глобус мукофотлари билан тақдирланди.
Шунингдек, Фриман Кристофер Ноланнинг машҳур “Бетмен” трилогиясида Люциус Фокс ролини ўйнаган. Актёр кўплаб фильмлар қаҳрамонларига овоз беришда фаол ишлайди. Фильмлардан ташқари, Фриман экологик ташаббусларни қўллаб-қувватлайди ва асаларичилик билан шуғулланади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Диний қўмита Умра зиёратини ташкил қилиш учун 12 та турфирмага лицензия берди
Хонанда Рухшона уйланмаган йигитга турмушга чиққани ҳақида сўзлаб берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Ғазода 2023 йил октябрь ойидан буён 17 мингдан ортиқ бола ҳалок бўлган...
