Режиссёр Сарик Андреасян Андрей Тарковский фильмларини ёмон кўришини ва умуман муаллифлик киносини ёқтирмаслигини тан олди. Бу ҳақда унинг видеосини Telegram’даги "Осторожно, Москва" канали эълон қилди.
"Мен Тарковскийни ёмон кўраман. Тарковский бу даҳшат. Бу кино санъати 60 йил олдин қолиб кетган, уни унутиш керак. Агар сиз қашшоқ, муваффақиятсиз ва ишончсиз режиссёр бўлишни истасангиз, илтимос, давом этинг”, — деди Андреасян.
Бу сўзларини у Москва кино коллежи №40 талабаларига мурожаат қилганида айтган. Улар эса режиссёрнинг муаллифлик кинолари ва "Анора" фильми ҳақидаги фикрларидан норозилик билдиришди. "Онегин" фильми муаллифи талабаларга фестивал фильмларидан катта даромад олиш имкони йўқлигини тушунтирмоқчи бўлди. Шунингдек, у "Анора" картинасини “маргинал фильм” деб атади.
Талабалар режиссёрнинг нуқтаи назарини қабул қилишмади ва натижада баҳс келиб чиқди. "Осторожно, новости" нашрининг ёзишича, баҳс оқибатида Андреасян маърузани муддатидан аввал тарк этди. Талабалар эса унинг чиқиб кетишига кулгу ва қарсаклар билан жавоб қайтаришди.
Москва кино коллежи вакиллари воқеани тасдиқлаб, бу оммавий тадбир эмаслигини, балки айрим шахсларнинг ташаббуси билан ташкил қилинган суҳбат бўлганини айтишди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
