Ҳинд киноси юлдузи Абҳишек Баччан 13 март куни “Ҳинд киноси кунлари” доирасида Тошкентга келди. Ўзбекистон Миллий кино санъати саройида бўлиб ўтган ҳинд фильмлари премерасида Абҳишек Баччан “Ассалому алайкум, азиз дўстлар” дея мухлислари билан ўзбек тилида саломлашди ва ўзбек маданияти ҳақида тўлқинланиб гапирди.
Ўзбек чопонини эгнидан ечмаган Абҳишек “Севгингиз ва мени илиқ кутиб олганингиз учун ташаккур! Бу диёр жуда гўзал, сизлар, барчангиз ҳам жуда чиройлисиз. Мен шу ердалигимдан ва Гумар фильмимни сизларга намойиш этаётганимдан мамнунман”, дея мухлисларига миннатдорчилик билдирди.
“Отамга яна бир марта бўлса ҳам Тошкентга келишимиз кераклигини айтдим”
Фото: Google Images
— Бу йилги қайтишим жуда носталгик ва ҳиссиётларга бой лаҳза бўлди. Мен бу ерда бир неча йил олдин отам билан “Тошкент” кинофестивалига келган эдим. Ўша пайтда мен билан буюк жаноб Раж Капур, жаноб Шамми Капур, жаноб Шаши Капур, отам, онам, синглим ҳам бор эди. Бугун эрталаб улар билан гаплашганимда одамлар уларни ҳалигача қандай самимийлик билан эслашларини айтдим. Мен отамга яна бир марта бўлса ҳам Тошкентга келишимиз кераклиги, бу ерда бизга ва Ҳиндистонга бўлган чин муҳаббатни ҳис қилишимиз мумкинлигини айтдим, дейди актёр.
Баччанлар сулоласи вакили ўзбек таомларини истеъмол қилиб кўргани ҳақида гапирди
— Тошкентга етиб келган куним жуда кеч ухладим, шу сабабли фақат палов ейишга улгурдим. Биз ҳиндчада паловни “пуало” деб атаймиз, бу ерда “пилав” дейишаркан. Менга жуда ёқди, мазасига гап йўқ. Сомса ҳам ажойиб экан, жуда ёқди.
Ҳинд киноси юлдузи ўзбек фильмларида ҳам рол ижро этишни исташини айтди
— Мен ўзбек фильмларини нафақат ўз халқимга улашишни, балки ўзбек киноларида суратга тушишни ҳам жуда хоҳлайман. Шундай имкониятга эга бўлишни истардим, дейди актёр самимият билан. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
