Голливуднинг қора рўйхатига тушган актёр ва актрисалар

Голливудда бир рол билан машҳур бўлиш мумкин — ва худди шундай тезликда йўқолиб кетиш ҳам мумкин. Жанжал, ўринсиз ҳазил, кимнингдир сиздан хафа бўлиши — ва сиз шу ондаёқ персона нон грата (қабул қилинмайдиган шахс) бўлиб қоласиз. Масалан бу юлдузлар ҳам бир пайтлар порлаб туришган, лекин ҳозир бир чеккада қолиб кетишган.

Оммавий можаролар, айбловлар, тизимга қарши чиқишга уриниш — сабаблари турлича, аммо натижаси бир хил: Голливудда ўз ўрнини йўқотишга олиб келади. Қуйидаги қаҳрамонлардан баъзилари оммавий жанжаллардан кейин экранлардан ғойиб бўлишган, баъзилари эса тушунтиришларсиз чақирилмай қолишган. Голливуд керак бўлганда жим туришни билади. Қуйида афишаларда исмлари яқиндагина бўлган, аммо ҳозир тақиқланганларнинг ҳикояларини тўпланган. Баъзилари қайтишга муваффақ бўлишди, баъзилари эса йўқ.

Кевин Спайси: Афсонадан сургунга

^{Фото: LadyMail}
Яқингача Кевин Спайси ўз даврининг энг яхши актёрларидан бири ҳисобланарди. “Шубҳали шахслар” ва “Америкача гўзаллик” фильмлари учун иккита “Оскар” олган актёр култ роллари ва таниқли услуби билан машҳур эди. Аммо 2017 йилда бу мартаба бир кунда қулаб тушди.

Актёр Энтони Рапп Спайси уни 1986 йилда жинсий зўравонликка уринишларида айблади — ўша пайтда Рапп 14 ёшда эди. Спайси тўғридан-тўғри рад этмади, ҳодисани эслай олмаслигини айтиб ўтди холос. У узр сўради, аммо жанжал битта айблов билан чегараланмади. Раппдан кейин бошқа ўндан ортиқ киши актёрнинг ёмон хатти-ҳаракатлари ҳақида баёнот беришди. Терговлар бошланди.

Netflix Спайсини “Карталар уйи” сериалидан чиқариб, шартномани бекор қилди. Ридли Скотт аллақачон тайёр бўлган “Дунёнинг барча пуллари” фильмини қайта суратга олди ва уни Кристофер Пламммерга алмаштирди. Голливуд унинг олдидаги барча эшикларни ёпди.

2022 йилда Нью-Ёркда суд ҳайъати Раппга нисбатан Спайси ишида уни оқлади. 2023 йилда Лондон суди ҳам уни тўққизта айблов бўйича айбсиз деб топди. Аммо иккита оқлов ҳукми ҳам асосий нарсани ўзгартирмади: Спайси катта кинога яна таклиф қилинмади.

У қайтишга ҳаракат қилди — кам бюджетли фильмларда рол ўйнади, интервью берди, лекин Голливуд уни барибир қабул қилмади.

Меган Фокс: Биргина сўз туфайли ўйиндан чиқди

^{Фото: Google Images}
Меган Фокс Голливуднинг янги афсонаси бўлиши мумкин эди. “Трансформерлар” фильмининг муваффақияти, матбуотнинг эътибори, шартномалар, қизил гиламлар — барчаси супер юлдуз мақомига олиб борарди. Аммо биргина интервью ҳамма нарсани ўзгартирди.

2009 йилда Майкл Бей билан суратга олишни шарҳлаган ҳолда, актриса режиссёрни Гитлерга ўхшатди. Бу шунчаки ўринсиз ҳазил эди, аммо оқибатлари шафқатсиз бўлди. Бей “Трансформерлар” устида Спилбергнинг продюсерлик компаниясининг қўллаб-қувватлаши билан ишлаётганлиги сабабли, айнан Стивен актрисани фильмнинг учинчи қисмидан ишдан бўшатилишини талаб қилди. Шундан сўнг киносаноатида Фокс билан “ишлай олмаслик” ҳақида миш-мишлар тез тарқалди.

Меган кинога қайтишга ҳаракат қилди. У “Женифернинг жасади” ва “Нинза тошбақалари” фильмларида рол ўйнади, мустақил лойиҳалар ва реклама шартномалари орқали буни енгиб ўтишга ҳаракат қилди. Аммо муваффақият “Трансформерлар” давридаги юлдуз мақомидан анча узоқ эди. Фақатгина сўнгги йилларда унинг карьераси тиклана бошлади, унинг янги услуби ва қизил гиламларда пайдо бўлиши яна жамоатчилик эътиборини тортди. 2023 йилда у “Қайтмаслар 4”да рол ўйнади, 2025 йилда эса катта анимацион лойиҳада рол ўйнаши режалаштирилган. Аммо шон-шуҳратга йўл ноаниқ бўлиб қолмоқда. Бир сўз туфайли у ўйиндан чиқди — ва у қайтишга тайёр бўлса ҳам, узоқ вақт чеккада қолди.

Брендон Фрейсер: Оғриқ ва унутиш синови

^{Фото: LadyMail}
90 йилларда Брендон Фрейсер саргузашт жанрининг тимсоли эди. “Мумё”, “Жунглидан келган Жорж”, “Ўтмишдан портлаш” — бу фильмлар унга машҳурлик ва томошабинларнинг муҳаббатини олиб келганди. У оддий, жозибали қаҳрамонларни ўйнади ва унинг катта кинода узоқ йўли бордек туюларди. Аммо ҳамма нарса бошқача бўлди.

2003 йилда, актёрнинг сўзларига кўра, у ўша пайтдаги Голливуд чет эл матбуоти ассоциацияси президенти Филипп Берк томонидан жинсий зўравонликка учраган. Воқеа Фрейсер учун психологик травма бўлди, аммо у деярли 15 йил давомида жим қолди. У бу ҳақда биринчи марта 2018 йилда ГҚ журналига берган интервьюсида айтиб ўтди. Бу вақтга келиб унинг карьераси аллақачон дарз кетган эди.

Шахсий травмалардан ташқари, у турмуш ўртоғи билан оғир ажрашиш, онасини йўқотиш, соғлиқ муаммолари билан курашди. Шунингдек, кўплаб операциялар, депрессия, турли лойиҳалардан ишдан бўшатилиш — буларнинг барчасидан сўнг актёр бутунлай сояда қолди. “Голливуд мени синган ўйинчоқ каби ташлаб юборди”, — деди у кейинчалик.

Аммо Фрейсер таслим бўлмади. 2022 йилда у “Кит” фильмида экранларга қайтди — ва эркак роли учун “Оскар” мукофотини қўлга киритди. Фрейсер учун бу шунчаки ғалаба эмас эди — бу кино дунёсига қайтиш эди.

Роуз Макгоуэн: Ҳақиқат карьерадан қимматроқ бўлганда

^{Фото: Google Images}
Роуз Макгоуэн 1997 йилда содир бўлган зўравонликда айблаган Харви Вайнштейнига қарши очиқчасига чиққан биринчи шахслардан бири бўлди. Узоқ вақт давомида у киносаноат босими ва махфийлик шартномаси туфайли жим турди. Бироқ, 2017 йилда “The New York Times” газетасида тергов чоп этилгандан сўнг, Макгоуэн жим туришни тўхтатди ва #MeToo ҳаракатининг асосий фаолларидан бирига айланди.

Аслида, ҳақиқатни очиқлагани уни ҳимоя қилиши керак эди, лекин ҳамма нарса тескари бўлиб чиқди. Голливуд жим қолди. Продюсерлар шартномаларни бекор қилдилар, актёрлар ундан қочишди. “Агар сиз тизимга қарши чиқсангиз, у сизни йўқ қилишга тайёр эканлигига тайёр бўлинг”, — деди Макгоуэн интервьюсида. Ҳозир у актриса бўлишдан кўра адолат учун курашувчи фаоллардан бири. Голливуд эшиклари у учун ёпиқ. Қизиқ томони шундаки, у очишга ҳаракат қилган ҳақиқат унинг ҳаётини вайрон қилди.

Голливуд чегарадан чиққанларни тезда унутади. Бу ерда итоаткорларни қадрлайдилар, принципиалликни эмас. Бу ҳикоялар киносаноатининг энг истеъдодлиларни ҳам қандай осонликча йўқ қилишини эслатиб туради. Шунга қарамай, савол туғилади: бу вазиятларда кимни — юлдузларни ёки уларни чиқариб ташлаганларни йўқ қилиш керак?

Манба: Daryo.uz “Замин” янгиликларини “Telegram”да кузатиб боринг