Netflix платформасида кенг машҳурликка эришган «Wednesday» сериалининг иккинчи мавсуми учун расман тўлиқ трейлер намойиш этилди. Жонли муҳокамаларга сабаб бўлган видеороликда бош қаҳрамон — Эддамслар авлодининг ажралмас аъзоси Wednesday янги хавфли ва сирли воқеаларга тўлиқ муҳитга қадам қўяди, деб Kursiv.media сайти маълум қилди.
Янги трейлер Wednesday’ни яна «Nevermore» академиясига қайтган ҳолда намоён этади. Бу гал у нафақат ўзининг, балки севган инсонининг ҳаёти учун ҳам курашишига тўғри келади. Академия деворлари орасида яна таҳдидли сирлар яширинган — ва улар ҳар қадамда Wednesday’ни кутиб турибди.
Бош рол ижросини амалга оширган Женна Ортега интервьюсида таъкидлашича, янги мавсум slasher, яъни «қўрқув ва жанговар триллер» услубидан илҳом олган. Демак, бу сафар Wednesday кўпроқ жиддий, драматик ва ҳаяжонли саҳналарда намоён бўлади.
Netflix платформаси томонидан сериалнинг иккинчи фаслининг чиқиш санаси аниқ кўрсатилмаган бўлса-да, яқин кунларда намойиш этилиши кутилмоқда.
«Wednesday» сериали 2022 йилда илк бор намойиш этилган ва қисқа муддат ичида жаҳон бўйлаб миллионлаб мухлисларни ўзига мафтун этган эди. Унда ғалати ва кутилмаган шижоат билан ҳаракат қиладиган Wednesday Addams образи нафақат тинчликни бузади, балки ҳақиқатни очиш учун ҳеч нарсадан қайтмайди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
