Стриминг оламида янги тренд — 60 сонияли қисқа сериаллар томошабинларни тобора кўпроқ ўзига жалб қилмоқда. Pravilamag ёзишича, Netflix, HBO Max ва Paramount+ фойдаланувчилари оммавий равишда ана шундай мини-сериаллар тақдим этувчи платформаларга ўта бошлаган.
Мутахассислар таъкидлашича, янги форматнинг асосий афзаллиги — воқеалар тез ривожланиши ва кутилмаган драматик бурилишлардир. Бундай контент асосан машҳур блоггерлар тажрибасидан илҳомланиб яратилмоқда. Мини-сериалларнинг яна бир қулайлиги шундаки, улар вертикал услубда эфирга узатилади ва смартфонларда бемалол кўриш мумкин.
Шунингдек, нарх жиҳатидан ҳам фойдаланувчилар учун анча арзонроқ. Одатда бундай иловаларга кириш 20 доллар атрофида туради. Таққослаш учун, Netflix'нинг рекламасиз обунаси ойига деярли 18 долларни ташкил этади. Кўплаб одамлар эса қисқа метражли контентни ҳатто ижтимоий тармоқлардан бепул томоша қилиб, янада кўпроқ тежашмоқда.
Канадалик 34 ёшли Элин Фиробнинг сўзларига кўра, у ойига қарийб 30 та мини-сериал томоша қилади. Бу оддий сериалнинг 90 дақиқалик битта эпизодига тенг. Қизиғи шундаки, у бу қарорни пулни тежаш учун эмас, балки қисқа ва “вертикал” форматдаги контентни афзал кўрганидан қабул қилган. Ҳозирда у қисқа сериаллар учун ойига қарийб 200 доллар сарфлайди.
«Замин»ни Telegram’да ўқинг!
