Машҳур қўрқинчли франшиза “The Conjuring”нинг сўнгги қисми “The Conjuring: Last Rites” 2025 йилнинг энг муваффақиятли даҳшатли фильми бўлди. Фильм касса рекордларини янгилаб, бутун дунё бўйлаб 400 миллион доллар даромад тўплади: ички бозор – 151,2 миллион, халқаро бозор – 248,8 миллион доллар. Шу билан умумий даромаднинг 62 фоизи хорижий прокатдан тушди.
Раян Куглернинг “Гуноҳкорлар” вампир фильми 366,7 миллион доллар билан юқори натижа қайд этган, “Якуний манзил: Қон ришталари” эса 313 миллион доллар ишлаб топган. “Қуроллар” эса 263,4 миллион доллар билан тўртинчи ўринни эгаллади. Қизиқ томони шундаки, “Гуноҳкорлар” оригинал қўрқинчли фильмлар сифатида франчайзадан ташқари энг юқори даромадни келтирмоқда.
Режиссор Майкл Чавес бу фильм билан "The Conjuring" франшизасининг асосий ҳикоясини якунлади. Демонологлар Эд ва Лоррейн Уоррен оиласини янги ёвузликдан ҳимоя қилиши керак. Патрик Уилсон ва Вера Фармига ўз ролларига қайтди ва фильм ўн йиллик ҳикояни давом эттирди.
«Замин»ни Telegram’да ўқинг!
