Женнифер Лопез ва Бен Аффлек “Ўргимчак аёл бўсаси” фильмининг премьерасида биргаликда иштирок этиб, ижтимоий тармоқларда катта шов-шувларга сабаб бўлишди. Собиқ турмуш ўртоқлар нафақат бирга келган, балки қучоқлашиб камералар олдида суратга ҳам тушишди.
Фильмда бош ролни ижро этган Лопез саҳна учун ўзига хос шаклга эга, ўргимчак силуэтини эслатувчи гулли, қора тусдаги кўйлак кийди. Ижрочи продюсер Аффлек эса қизил гиламга классик кўк костюмда чиқди.
Томошабинлар эътиборини энг кўп тортган жиҳат — уларнинг самимий муносабатлари бўлди. Бен Аффлек меҳр билан қўлини Женнифернинг белига қўйиб, унга муҳаббат билан қарагани кузатилди. Мухлислар орасида турли фикрлар янгради:
“Улар яна муносабатларига имконият бермоқчимикан?”, “Бу муҳаббат ҳали сўнмаган”, “Улар ҳамиша бир-бирларини севиб қолишади, шубҳасиз”.
Эслатиб ўтамиз, Лопез ва Аффлекнинг муносабатлари илк бор 2001 йилда ошкор бўлган. Улар ҳатто унаштирилганини эълон қилишган, аммо турмуш қуришга улгуришмаган. Орадан йигирма йил ўтиб, жуфтлик яна ярашиб, 2024 йилда турмуш қурди. Бироқ, уларнинг никоҳи 2025 йилда расман бекор қилинган.
Яқинда GQ журналига берган интервьюсида Бен Аффлек Лопез билан орасида ҳеч қандай келишмовчилик йўқлигини таъкидлаб, “Мен уни ҳурмат қиламан ва у менинг ҳаётимда муҳим шахс бўлиб қолади”, — деди у.
“Zamin”ни Telegram'да ўқинг!
