Актриса Феруза Юсупова никоҳ тўйининг бир йиллиги — 11 ноябрь санасини эслаб, ўзининг Instagram саҳифасига шу кунга оид илиқ лаҳзаларни акс эттирган видео ва суратларни жойлади.
Улашилган лавҳаларда актрисанинг турмуш ўртоғи унутилмас сана муносабати билан Ферузага аталган қўшиқни ижро этгани, унга нафис гуллар ва эсдалик совғаси тақдим қилгани акс этган. Видео томошабинлар орасида илиқ таассурот уйғотди.
Эътиборга молик жиҳатлардан бири — қўшиқ матнида яқинда дунёга келган қизалоғининг исми Шамсия эканлиги очиқ айтилганидир. Бу лаҳза мухлислар ва кузатувчилар томонидан илиқ кутиб олинди, чунки актриса ҳозиргача фарзандининг исмини ошкор қилмаган эди.
Феруза Юсупова оиласи бугун кунда ўзининг энг бахтли паллаларини бошдан кечирмоқда. Уларни қўллаб-қувватлаб келаётган барча мухлислари сингари биз ҳам ушбу оилага тинчлик, тотувлик ва доимий бахт ёр бўлишини тилаб қоламиз.
Меҳмон гуруҳидаги фойдаланувчилар ушбу мақолага изоҳ қолдира олмайди.
