Актриса ва дизайнер Шаҳзода Муҳаммедова журналист Юлдуз Мавлиянова билан бўлган интервюларидан бирида шахсий ҳаётига оид қизиқарли ва баҳсли фикрлари билан ўртоқлашди.
Суҳбат давомида унга: “Нима учун қизингизни қийнаб, ҳатто кечаси ҳам съёмкаларга ва ишларга олиб боргансиз?” деган савол берилди.
Шаҳзода Муҳаммедованинг айтишича, қизининг ўзи она сути билан озиқланишни танлаган ва шу сабабли Миланани 3,5 ёшгача эмизган. Боланинг овқати доимо ўзи билан бўлгани учун уни ишга, съёмкаларга ҳам олиб боришга мажбур бўлган. У ҳатто айрим пайтларда машина ҳайдаб кетаётганида бир қўли билан қизини эмизиб, иккинчи қўли билан рулни ушлаганини ҳам очиқ айтди.
Актрисанинг сўзларига кўра, бу давр унга жуда оғир кечган:
“Жуда қаттиқ қийналганман”, — дейди у.
Шу билан бирга, у фарзандларини парваришлашдаги тажрибасини таққослаб ҳам ўтди. Унинг таъкидлашича, ўғли она сутидан кўра смесни танлаган. Жамиятда кенг тарқалган “она сути билан озиқланган бола соғлом бўлади, кам касал бўлади” деган фикрга эса у шахсий тажрибаси билан қарши чиқди.
Актрисанинг сўзларига кўра, қизи она сути билан озиқланганига қарамай, кўп касал бўлган, тез-тез педиатрларга мурожаат қилишга тўғри келган. Аксинча, ўғли смес билан озиқланган бўлса-да, соғлом, кам касал бўлади.
“Демак, бу фикр ҳамиша тўғри эмас экан”, — дея хулоса қилди Шаҳзода Муҳаммедова.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
