Хонанда Дилфуза Исмоилова "Наво меҳмонда" лойиҳасида меҳмон бўлиб, суҳбат давомида келинлари ҳақида илиқ ва самимий фикрларини билдирди.
Санъаткорнинг айтишича, у келинларини оддий “келин” эмас, балки ўз қизларидек кўради:
“Келинларим тилла. Дилнозахон, Раънохон — уларни келин демайман, қизларим дейман. Сардор ўғлим жуда оғир-босиқ. Доим 'шу ўғлимга кулиб турадиган келин насиб қилсин', деб дуо қилардим.”
У ҳазил аралаш ўша даврларни ҳам эслаб ўтди:
“Катталар 'ҳали келин излаб пошналаринг йиртилади' дерди. Мен эса 'пошнам йиртилгунча қиз қидираманми?' деб кулардим. Худога шукр, келинларим яхши, ўқимишли оиладан.”
Дилфуза Исмоилова уйидаги қизиқарли воқеани ҳам сўзлаб берди. Унинг айтишича, авваллари уйда бир неча хизматкорлар ишлаган. Аммо келинлари келгач, улар бошқача қарор қилган:
“Бир куни келинларим 'ойижон, бир гап айтсак майлими?' дейишди. 'Албатта', дедим. 'Биз ишларни ўзимиз қилайлик, уйда яйраб, ўйнаб қиламиз', дейишди. 'Йўқ, қўйинглар', десам ҳам кўнишмади. Ҳатто хизматкорлар ҳам 'биз қилайлик', деб йиғлаб кетишган.”
Хонанда барча келинларига бирдек меҳр кўрсатишини таъкидлади:
“Севара келиним билан бирга учала келинимга ҳам нима қилсам, бир хил қиламан.”
Мазкур самимий суҳбат ижтимоий тармоқларда илиқ кутиб олиниб, мухлислар томонидан юқори баҳоланмоқда.
“Zamin”ни Telegram'да ўқинг!
