Ўзбек эстрадасининг таниқли вакилларидан бири Алишер Файз ўзининг машҳурликка эришиш йўли ҳақида самимий фикрларини билдириб ўтди. Кўпчилик уни элга танитган қўшиқ қайси эканига қизиқади. Бироқ хонанда бу саволга кутилмаган тарзда жавоб берди.
Унинг айтишича, машҳурликни аниқ бир қўшиқ билан боғлаш тўғри эмас. “Мен у таронадан кейин машҳур бўлдим демайман. Устозимнинг эшикларини — яъни Озодбек Назарбековнинг эшикларини тақиллатиб борганимдан кейин, ъҳопъ деб мени шогирдликка қабул қилган кунлари мен аллақачон машҳур бўлиб бўлганман. Фақат ундан кейин йўл-йўриқ кўрсатилди”, — дея таъкидлайди санъаткор.
Бу фикрлар Алишер Файзнинг ижод йўлида устоз-шогирд анъанасига қанчалик катта аҳамият беришини кўрсатади. Унинг назарида ҳақиқий муваффақият — бу нафақат қўшиқ, балки тўғри йўл, тажриба ва устоздан олинган сабоқларга ҳам чамбарчас боғлиқ.
“Zamin”ни Telegram'да ўқинг!
