Диёра Келдиёрова қизи Зияранинг илк туғилган кунидаги суратлар билан бўлишди!

Ўзбекистонлик Олимпиада чемпиони, дзюдочи Диёра Келдиёрова қизи Зияранинг илк туғилган кунини нишонлади. Спортчи ушбу қувончли куннинг чиройли суратларини ижтимоий тармоқлардаги саҳифасида мухлислари билан бўлишди.

Диёра қизининг туғилган куни муносабати билан самимий фикрларини ҳам ёзиб қолдирди. У оналик ҳисси ҳаётидаги энг катта бахтлардан бирига айланганини таъкидлади.

“Фарзандлик бўлгунимча ичимда ҳар доим нимамдир камдек туюларди, она бўлиб ичим бутунлай нурга тўлди. Дунёдаги энг ширин хислатлардан бири бу оналик бўлса керак”, — дея ёзди спортчи. Диёра Келдиёрова қизалоғининг илк ёшини нишонлар экан, ушбу кунни ўзига хос қувонч билан қарши олди. Суратларда она ва қизнинг бахтли лаҳзалари акс этган.

Спортчининг мухлислари ҳам бу қувончли воқеани эътиборсиз қолдирмади. Изоҳларда Зияранинг туғилган куни билан табриклар ва эзгу тилаклар қолдирилмоқда.