16:52 / 07.02.2018
8 830

Ўзбекистондаги барча хонандалар лицензиядан маҳрум этилади, агар...

Ўзбекистондаги барча хонандалар лицензиядан маҳрум этилади, агар...
Аввалроқ, “Ўзбекконцерт” давлат муассасаси ҳузурида Клиплар кенгаши тузилиши, бундан буён хонандалар ТВ экранлар учун тайёрлаётган клиплари сценарийсини ушбу Кенгаш билан муҳокама қилиши кераклиги ҳақида хабар берган эдик.

“Ўзбекконцерт” давлат муассасаси томонидан ваъда қилинган Клиплар кенгаши ўз ишини бошлади. Бу ҳақда таҳририятимизга “Ўзбекконцерт” давлат муассасаси директори Одилжон Абдуқаҳҳоров хабар берди.

Абдуқаҳҳоровнинг маълум қилишича, эндиликда ҳар бир хонанда клипини суратга олдириб бўлгач, уни ТВ эфирларига беришдан аввал Клиплар кенгашига тақдим этади. Ҳайъат аъзолари топширилган клипларни телеэфирларга беришни маъқул топсалар, клиплар намойишига рухсат берилади. Йўқса, тақиқ қўйилади. Хоҳловчилар клиплар суратга олинишидан аввал кенгаш аъзолари билан маслаҳатлашишлари мумкин.

Бунда ТВларга ортиқча мажбурият тушмайди. Аксинча, “Ўзбекконцерт” бор масъулиятни гарданига оляпти. Бундан буён “фалончи хонанданинг ярим ялонғоч либосда чиққан клипини канал раҳбарияти биздан берухсат қўйиб юборган” деган баҳоналарга ҳам ўрин қолмайди.

Хонандалар-чи? Хонандаларнинг ҳам бундан кейин масъулияти ортиши тайин. Клипларини Кенгашга топширмаган, “билмагандим”, “хабарим йўқ эди”, деганлар лицензиясидан маҳрум этилади.

Дарвоқе, Клиплар кенгаши 1 февралдан ўз фаолиятини бошлади. Кўрамиз, натижа қандай бўларкин...

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Маданият » Ўзбекистондаги барча хонандалар лицензиядан маҳрум этилади, агар...