11:50 / 04.04.2019
5 214

Озодбек Назарбеков ва Жаҳонгир Отажонов бир-бирларини ёмон кўришадими?

Озодбек Назарбеков ва Жаҳонгир Отажонов бир-бирларини ёмон кўришадими?
Миллион жамоаси 2018 йилнинг апрель ойидаги концерт дастурида Жаҳонгир Отажонов ҳамда Озодбек Назарбеков муносабатлари юзасидан бир ҳазил чиқиш қилганди. Яъни эмишки бу икки санъаткор бир-бирларини кўрганда жуда қуюқ сўрашишар экан-у, ич-ичларидан бир-бирларини кўришга кўзлари йўқ эмиш. Бу чиқиш кўпчилик инсонларда улар ростдан ҳам бир-бирларини ёмон кўришар экан, деган нотўғри тасаввур уйғотиб қўйди. Лекин аслида ҳақиқат қандай? Журналист Феруз Муҳаммад Жаҳонгир Отажонов билан уюштирган суҳбати давомида шу мавзуга ойдинлик киритди. Жаҳонгир Отажоновнинг мазкур чиқиш юзасидан жавоби қуйидагича бўлди:

– Кўрдим, мен бу нарсани интернетда. Аввало омад тилайман. Халқимизга, халқимизнинг бир қисмига энди улар (“Миллион” жамоаси)нинг ижоди ёқади. Баъзи бир ҳазиллари ҳатто менга ҳам ёқади. Чунки ҳақиқатдан кулишгача олиб борадиган даражада ижод қилишади.

Энди… инсон сифатида барибир улар мени билмайди. Озодбек Назарбековга қизиқишим ҳам, унга нисбатан ҳасадим ҳам йўқ, очиғи. Мен гапим учун қиёматда жавоб бераман. У кишиниям менга нисбатан қалби қанақа – буниям Аллоҳ билади. Лекин мен инсон сифатида 2011 йилда “Бугунги кунда Ўзбекистонда ҳеч бир санъаткор жонли ижрода концерт қўя олмайди”, деб ўз профессионал фикримни билдирганман. Ўзимни касбимдан келиб чиққан ҳолда шунақа фикр билдирганман. Ҳали ҳанузгача менинг мусиқий фикрим бўйича жавоб бериша олмайди. Буни керак бўлса, исботлаб бераман, нуқталаригача.

Энди Озодбек Назарбековниям ҳозирги кунда ўз ижодини қилишга вақти йўқ бўлса керак. Чунки давлат жавобгарлигини олган. Мен ҳақимда ўйлашга вақти ҳам бўлмаса керак. Бу, шунчаки, “Миллион” жамоасининг ижоди. Халқ нимани яхши кўришини билишади, улар. Шунақа стратегия қилинган. Лекин мен ва Озод аканинг бир-биримизга бўлган муносабатимиз… мен энди уларнинг фикрларини билмайман, лекин менда бу ичиқоралик йўқ. Қизиғи ҳам йўқ. У бошқа йўналишдаги санъаткор, мен бошқа йўналишдаги санъаткорман!

Манба: Hordiq.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Маданият » Озодбек Назарбеков ва Жаҳонгир Отажонов бир-бирларини ёмон кўришадими?