Фото: ЎзА
Ўзбекистон Маданият вазирлигида шаҳар ва вилоят бошқармалари, тизимнинг барча ходимлари қатнашган видеоселектор бўлиб ўтди. Бу ҳақда ЎзА хабар берди.
Қайд этилишича, видеоселекторда маданий мерос объектлари фаолиятини ривожлантириш, тарихий иншоотларни, уларнинг туристик салоҳиятини чуқур ўрганиб, туризм йўналишига киритиш бўйича таклифлар бериш масаласи муҳокама этилди.
Шунингдек, соҳадаги муаммолар, камчиликларни бартараф этиш юзасидан аниқ таклифлар ўртага ташланди.
Видеоселектор давомида вилоят бошқармалари раҳбарларининг таклифлари тингланди. Жумладан, мақом санъатини ривожлантириш, турли танловлар ташкил қилиш, бахшичилик санъатини юксалтириш бўйича фикрлар билдирилди.
Маданият вазири вазифасида иш бошлаган вазир Озодбек Назарбеков вазирлик тизимини буткул ислоҳ қилиш бўйича ўз фикр ва амалга оширилиши лозим бўлган ишлари ҳақида ҳам алоҳида тўхталди.
Фото: ЎзА
- Видеоселектордан асосий хулосангиз адолат бўлсин. Маданият тизимида коррупция урчиб кетган, ҳамма ўз этагини йиғиштириб олсин. Аввало, шу соҳани коррупциядан тозалашимиз лозим. Маданият вазирлигидан то энг қуйи тизимгача адолат ўрнатилади. Ким менга дўст бўлса, мен томонда турсин ёки у менга душман бўлади. Президент менга ишонди, адолат ўрнатади, деб ишонди. Бу ёғига адолат тўнини кийиб, маърифат қиличини баланд кўтариб тизимни тозалаймиз. Коррупцияга қарши курашишда эса менга ҳалол жамоа керак.
Президентимиз айтган ҳалоллик вакцинаси нима? У аввало кўнгилни тозалаш, ҳаромни нима эканини англаб ундан ҳимояланишдир. Фарзандларингизга ҳалол луқма едиринг. Бу борада республика маданият ходимлари барчага ўрнак бўлиши лозим.
Адолат тўнини кийиб, маърифат қиличини баланд кўтариб маданият тизимини коррупциядан тозалаймиз, - дейди Озодбек Назарбеков. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Крокус»даги ҳужум бўйича саккизинчи айбланувчининг исми ошкор қилинди
АҚШ Исроилдан юз ўгирдими? Нетаняҳу Вашингтонга бормайди
АҚШ полициячиларининг «ақлли қарори» Legoга маъқул келмади
Дубай ҳукмдорининг энг гўзал қизи қандай ҳаёт кечиради?
АҚШ элчиси: “Россия Украина пойтахтига гипертовушли ракеталар билан зарба берди”
Россия Ғазога 29 тоннадан ортиқ инсонпарварлик ёрдами жўнатди
Нетаняҳу Исроил делегациясининг АҚШга сафарини бекор қилди
Қаҳва ва саратон: олимлардан зўр янгилик!