Суперлиганинг 6-тури доирасидан ўрин олган "Пахтакор" - АГМК учрашувидан сўнг меҳмонлар бош мураббийи Миржалол Қосимов ўйин ҳақидаги фикрлари билан ўртоқлашди.
Ўйин ҳақида
- Авваламбор Рамазон ҳайити билан ўзбек халқини табриклайман. Бир-бирига муносиб жамоалар майдонда тўқнаш келди. Қолаверса, "Пахтакор" Ўзбекистоннинг амалдаги чемпиони саналади. Иккала жамоада ҳам ғалаба қозониш учун имкониятлар бўлди, бироқ охир-оқибат дуранг натижа қайд этилди. Энди Ҳайит кунини уйда нишонлаб, кейинги ўйинга тайёргарликни бошлаймиз.
- АГМК, умуман ўзбек клубларида "Пахтакор"га қарши қўрқув синдроми борми, сабаби "шерлар" бир киши кам бўлиб ўйнаган тақдирда ҳам бошқа жамоалар эҳтиёткор ҳаракат қилишади...
- Бизда ундай синдром йўқ, ҳар бир жамоанинг ўз режаси, йўналиши мавжуд. Биз ҳам ғалаба учун майдонга чиққандик. Лекин бир нарсани ёддан чиқармаслик керак, энг кучли футболчилар "Пахтакор"да жам бўлган. Қўрқиб ўйнагандан кўра, футболни йиғиштириб қўйган маъқул. Жамоа чиндан кучли, бекордан-бекорга ОЧЛда иштирок этмади. Шу боис тўғри таққослаш қилган маъқул.
- "Пахтакор" бир киши кам бўлиб қолганига қарамай, ўйин охиридаги 6-7 дақиқада кетма-кет ҳужумлар уюштиришди. Нега шогирдларингиз бунга йўл қўйиб берди?
- Тўғриси, бунга ўзим ҳам тушунмадим. Шогирдларимга танбеҳ ҳам бердим. Ёдингизда бўлса, Намангандаги кубок баҳсида ҳам тезкор қарши ҳужумда тўп ўтказиб юборгандик. Уларда шу жиҳат кучли. Бу вазиятларни муҳокама қиламиз.
- Иккала жамоада ҳам вазиятларни якунлашда муаммолар кўзга ташланди. Умуман олганда, чемпионатда кўзга кўринарли ҳужумчи йўқдек. Ўтган йили бирорта ҳужумчи ўйиннинг ўзидан (пенальтиларсиз) 10 тадан кўп гол уролмади. Сўнгги йилларда юзага келган мана шу муаммо ҳақида нима дея оласиз?
- Бугун ҳам "Пахтакор" ҳимоячилари яхши ҳаракат қилишди. Футболчиларимизда имкониятлар бўлди. Бизда ҳужумчи кам. Ўзбек футболида чиндан ҳам бундай ҳужумчи йўқ. Футболчи ҳам бир дарахт. Уни парваришлаш керак. Тинимсиз меҳнат орқали юқори даражага эришиш мумкин, дейди Қосимов. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия армияси Купянскка киргани айтилмоқда
Пашинян Арманистоннинг Мустақиллик декларацияни энг катта муаммо ва фожиа деб атади
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Ҳар қандай катта ёшдаги киши етук эмас
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Боррел ЕИнинг Исроил билан мулоқотини тўхтатишни таклиф қилди
Кремль Украина бўйича музокарада шартлар қўйишга уринмоқда
