UFC 275. Ярим оғир вазн дивизионида чемпион ўзгарди

Тошкент вақти билан 12 июнь тонгида Сингапурда UFC 275 мусобақаси бўлиб ўтди.

Мусобақанинг асосий жанги ярим оғир вазн тоифаси чемпиони Гловер Тейшейра (33-8) ва Иржи Прохазка (29-3-1) ўртасида кечди. Сўнгги раундга қадар Тейшейра рақибини ортда қолдираётганди, бироқ 5-раундда чехиялик спортчи чемпионни бўғиш усули билан таслим этди. Шу тариқа Иржи дивизионнинг янги чемпионига айланди.

Яна бир асосий жанглардан бири аёллар ўртасида мутлақ енгил вазн тоифасида чемпиони Валентина Шевченко ва Таила Сантос ўртасида бўлиб ўтди. Унда қирғизистонлик яккакурашчи очколар эвазига ғалаба қозониб, камарини ҳимоя қилди.

11 та жангнинг олтитаси муддатидан аввал якунланди.

Асосий кард
- Иржи Прохазка 5-раундда сабмишен орқали Гловер Тейшейрани енгди;
- Валентина Шевченко очколар эвазига Таила Сантосдан устун келди;
- Жанг Вейли 2-раундда Йоанна Енжейчикни нокаутга учратди;
- Жейк Мэттьюс 2-раундда Андре Фиалёни нокаут қилди;
- Жек Делла Маддалена 1-раунддаги техник нокаут эвазига Рамазон Эмеевни ютди.

Прелим кард
- Жошуа Кулибао очколар эвазига Чхве Шин Удан устун келди;
- Ҳайисаер Маҳешет 1-раундда Стив Гарсияни нокаутга учратди;
- Брендан Аллен ҳакамлар қарорига кўра Жейкоб Малкунни енгди;
- Кан Кён Ҳо очколар эвазига Данаа Батгерелдан устун чиқди;
- Сильвана Гомес 1-раундда Лян Нани нокаутга учратди;
- Жозелин Эдвардс очколар эвазига Рамона Паскуални ютди. “Замин” янгиликларини “Telegram”да кузатиб боринг