09:55 / 19.06.2022

Тревор Морган: "Эртага Ўзбекистон ва Саудия Арабистони термалари мухлисларга тўла стадионда маза қилиб футбол ўйнайди"

Ҳабарингиз бор юртимизда U-23 Осиё кубоги баҳслари якунланмоқда ва бир неча соатлар олдин ушбу турнирнинг 3 ўрин учун Япония - Австралия (3:0) учрашуви бўлиб ўтди. Ўйиндан кейинги матмуот анжуманида Австралия жамоаси бош мураббийи Тревор Морган иштирок этди.

- Ўйин ҳақида фикрларингиз...
- Бугунги учрашувга биз футбол ўйнаб нимадир ўрганиб кетиш учун келган эдик. Япония ҳар жабҳада биздан устун бўлди ва улар ҳақли ғалаба қозонишди.

- Охирги икки ўйинда жамоангиз негадир ўзига ўҳшамади?
- Сиз шундай деб ўйлайсиз, жамоам бугун 55% тўп назоратига эга бўлди ва Япония билан тенг дарвозага зарба берди. Фикрингизга қўшилмаган бўлардим. Кейин биринчи бўлим бошида биз кўп хатоларга йўл қўйдик ва жазоландик.

- Жамоангиз бу турнирда 6 та ўйин ўтказди. Австралия термаси биринчи ўйиндан бошлаб қанчалик ўсишга эришди деб ўйлайсиз?
- Ўйин кетидан ўйин ўтказиш бу ўрганишнинг бошқача йўли ҳисобланади. Чунки футболчилар кўрсатмаларимдан эмас, вазиятга қараб иш кўришни ўрганишни бошлашади. Осиёдаги жамоаларининг ўйнаш усули жуда хилма хил ва бу осон эмас. Агар сиз шу атмосферада ўйнагингиз келса жуда кўп қийинчиликларни енгиб ўтишингиз керак.

- Сиз ва жамоангиз бу ерда деярли 20 кун яшадингиз. Ўзбекистонда сизга ёққан ва ёқмаган нарсаларни айта оласизми?
- Ўзбекистон футболни севувчи давлат. Бу турнирда қатнашганимиздан мамнунмиз. Ҳамма нарса юқори даражада бўлди.

- Жамоангизда қайси футболчи сизда яҳши таассурот қолдирди?
- Буни айтиш жуда қийин масала чунки ҳамма ўзини яхши тарафдан кўрсатди, аммо жамоамиз сардори Тайрис Френцисни алоҳида таъкидлаб ўтган бўлар эдим. Чунки у ростдан ҳам жамоани етакчиси бўла олди ва ҳаммадан бир бош устун бўлди.

- Эртага ушбу турнирнинг финал учрашуви бўлиб ўтади. Сизнингча қаси жамоа чемпион бўлади?
- Аниқ бир нарса дея олмайман. Аммо умид қиламанки, эртага Ўзбекистон ҳам Саудия Арабистони ҳам тўлиб тошган стадионда мазза қилиб футбол ўйнайди.