Роналдуда Чемпионлар лигасида қатнашиш варианти пайдо бўлди

Англия премьер-лигасида янг мавсум бошланганига қарамай, Криштиану Роналдуда Чемпионлар лигасида қатнашиш имконияти пайдо бўлди.

Аслида португалиялик футболчини “Челси” хўжайини Тодд Бёли ўз жамоасига олиб келмоқчи эди. Лекин бош мураббий Томас Тухель бу трансферни маъқулламаганди.

Маълумотларга қараганда, “Челси” Раҳим Стерлингни ўз сафига қўшиб олганига қарамай, яна бир ҳужумчига эҳтиёж туғилмоқда.

“Аристократлар” тез орада яна бир ҳужумчи Тимо Вернер билан ҳам хайрлашмоқчи. Бу йўқотишлар ўрнини тўлдириш учун Тодд Бёли Роналдуни олиб келишга ҳаракатларни қайта бошлади.

- Роналду трансфер ойнаси ёпилгунича “Челси” билан музокарага киришиши кутилмоқда. “Манчестер Юнайтед” уни қўйиб юбориши бошқа масала. Лекин Тодд Бёли уни олишга жиддий киришган, - деб хабар берди таниқли журналист Саймон Филиппс. «Замин»ни Telegram’да ўқинг!