Элдор гол киритиб, барчани хурсанд қилгани, бироқ мени бошқа нарса хурсанд қилди. Унинг голни қандай нишонлагани! Одатда, захирада кўп ўтираётган ва мухлислар танқидига учраётган футболчилар гол урганда, уларнинг айримлари голни шу тарзда нишонлайди. (Сизларни эшитмаяпман, деган маънода)
Шунақа трюклар ҳам қила оларкан Элдор :) Гол уриш ва уни бундай нишонлаш қисман унга энтузиазм тақдим этади. Бунинг ёмон томони йўқ, аксинча!
"Шома" барча бўлаётган босимни ҳис қилаётгани ва уларни енгиб ўтиш учун ўз-ўзини енгганини кўрсатиб қўйди. У билан кичик интервю уюштирганимизда, қанчалар оғир-вазмин йигит эканлигига амин бўлган эдим. Бугун, камтарин, камсуқум йигит голни бундай нишонлади. Демак, у "Рома"да имконсизлиги учун эмас, ИСБОТЛАШ учун қолган кўринади. Ичида яширин "менини" уйғота олганидан хурсандман. Давомли бўлсин. Майли, бугун жамоаси енгилди, аммо Элдор бошлаган курашидаги илк ғалабасини қўлга киритди. Ҳозир, биз учун шуниси муҳимроқ!
— Шухрат Раззаков (@ShuhratRazzakov) September 9, 2022
Ўйиннинг 67 дақиқасида Жозе Моуриньо ҳамюртимизни майдонга туширгани кўп нарсани англатади. У ўйинни қутқариб қолиш илинжида бу ишга қўл урди. Демак, Элдорда таблодаги ҳисобга таъсир кўрсатиш имконияти бор эканлигини ҳис қилмоқда. Бу қувонарли холат. Асосий ҳужумчи бўлиши тахмин қилинган Белотти бугун шунчаки майдонда "йўқолиб" қолди. Агар 2-3 маротаба мураббийнинг кўрсатмаларини тўлиқ бажара олмаса, бир зумда асосий таркибдаги ўрнини йўқотиб қўйиши аниқ.
"Моур" ҳеч кимга иккинчи имконни бермаган. Бермаса ҳам керак. Элдор нафақат ўзи учун, балки асосий таркибдаги ўрни учун ҳам охиригача "жанг" қилиши шарт. "Рома"га ўтгани, бу унинг карьерасидаги энг пик нуқта бўлмаслиги шарт. Умид қиламиз-ки, ҳамюртимиз мавсумдаги илк голидан сўнг, ўзига бўлган ишончи янада ортади.
Дибала таркибга қўшиб олингач, таянч зонасидаги ижрочилардан бири ўйин схемасидан олиб ташланишига тўғри келади. Бошқачасига Жозе аргентиналик футболчини асосий таркибга қўшишни уддалай олмайди. Демак, "Рома" жорий мавсумда кўпроқ ҳужум қилишга интилади. Бу эса, марказий ҳужумчилар учун иш янада ортишидан далолат. Элдор темпни тушириб юбормаса, Абрахам ва Белоттига бемалол босим қилиши мумкин.
Яҳёхўжа Улуғхўжаев
“Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
АҚШ Исроилнинг икки вазирига санкция қўлламоқчи
Яхши пишган ва мазали анор танлашга ёрдам берадиган тавсиялар
Энди операциядан сўнг кесмалар ўрни икки баробар тезроқ битиши мумкин
Организм ўзини токсинлардан қандай тозалайди?
АҚШ ҳарбийлари орасида ўз жонига қасд қилиш кўпайди
Буйрак саломатлиги учун энг фойдали сабзавот...
Apple донгдор икки айфонини расман эскирган деб эълон қилди
