"Рома" ўз майдонида аламли мағлубиятни қабул қилиб олди

Европа Лигаси 3-тури доирасидаги "Рома" - "Бетис" учрашуви якунига етди. Қизиқарли ва кескин курашлар остида ўтган баҳсда римликлар 1:2 ҳисобида имкониятни бой берди.

Учрашувдаги ҳисоби Моуриньо шогирдлари томонидан очилди. 34-дақиқада "бўрилар" пенальти тепиш имкониятига эга бўлди ва Пауло Дибала ундан унумли фойдаланди. 40-дақиқада Гвидо Родригес "Бетис"нинг ҳисобни тенглаштирувчи голига муаллифлик қилди. Учрашув якуни арафасида, аниқроғи 88-дақиқага келиб, испан клуби ғалаба тўпини киритди. Родрининг ажойиб узатмасидан кейин Луис Энрике таблодаги ҳисобни 1:2 кўринишига келтириб қўйди.

"Бетис" мазкур ғалабадан кейин "С" гуруҳида яққол пешқадам бўлиб олди - 9 очко. "Рома" эса 3 очко билан 3-ўринни банд этган.

Рома Италия – Бетис Испания 1:2
Голлар: 1:0 – 34, пенальти Дибала, 1:1 – 40 Родригес, 1:2 – 88 Луис Энрике.

Рома – Руй Патрисиу, Челик (Спинаццола, 5), Смоллинг, Манчини, Рожер, Матич, Кристанте (Камара, 80), Дзаньоло, Дибала (Эль-Шаарави, 80), Абрахам (Белотти, 72), Залевски.

Бетис – Браво, Песселья, Луис Фелипе, Миранда (Морено, 76), Гуардадо (Вильям Карвалью, 75), Хоакин (Родри, 60), Каналес, Родригес, Руибаль, Виллиан Жозе (Иглесиас, 75), Фекир (Луис Энрике, 22).

Огоҳлантириш: Луис Фелипе (29), Браво (32), Гуардадо (33), Манчини (71), Песселья (83).
Четлатиш: Дзаньоло (90). «Замин»ни Telegram’да ўқинг!