Ўзбекистон ўсмирлар терма жамоаси Бутунжаҳон шахмат Олимпиадасида 2-ўринни эгаллади

^{Фото: Шахмат федерацияси}
Озарбайжоннинг Наҳчиван шаҳрида 16 ёшгача бўлган шахматчилар ўртасида Бутунжаҳон шахмат Олимпиадаси бўлиб ўтди.

Мусобақада иштирок этган Ўзбекистон-1 терма жамоаси 9-тур якунига кўра иккинчи ўринни эгаллади.

Ўзбекистонликлар мусобақа давомида 7 та ғалаба, битта дуранг ва битта мағлубият қайд этган ҳол 15 очко жамғарди. Туркия вакиллари 18 очко билан биринчи ўринни банд этди. Озарбайжон-1 13 очко билан кучли учликни якунлаб берди.

Ўсмирлар шахмат Олимпиадасида қатнашган Ўзбекистон-2 терма жамоаси эса 11 очко билан 7-поғонани эгаллади. “Замин” янгиликларини “Facebook”да кузатиб боринг