Самбо. Маҳмуджон Мақсудов - Жаҳон чемпиони, яна 6 спортчимиз шоҳсупага кўтарилди

Арманистон пойтахти Ереван шаҳрида кадетлар, ўсмирлар ва ёшлар ўртасида самбо бўйича Жаҳон чемпионати ўтказилмоқда.

Бугун мусобақа доирасида ўсмирлар ўртасида беллашувлар ўтказилди. Қувонарлиси, бугун самбочиларимиз дастлабки олтин медалга сазовор бўлди. +98 кг вазнли ҳамюртимиз Маҳмуджон Мақсудов барча рақибларини мағлубиятга учратган ҳолда, Жаҳон чемпионига айланди. Вакилларимиз шунингдек 3 та кумуш, 3 та бронза медалига ҳам эга чиқди.

Кун якунига кўра, совриндорларимиз рўйхати қуйидагича кўриниш олди:

Олтин:
+98 кг: Маҳмуджон Мақсудов

Кумуш:
-71 кг: Шахриёр Каримов
-65 кг: Мухлиса Турдиева
-59 кг: Феруза Бобокулова

Бронза:
-98 кг: Қутлимурод Нумонов
-72 кг: Севинч Махмуджонова
-47 кг: Уйбўлсин Ҳакимова.

Эслатиб ўтамиз, кеча кадетлар ўртасидаги беллашувларда Неъматжон Худойберганов кумуш медални қўлга киритганди.

«Замин»ни Telegram’да ўқинг!