Оғир атлетика. Осиё чемпионати қаҳрамонлари тантанали кутиб олинди

6-16 октябр кунлари Баҳрайннинг Манама шаҳрида оғир атлетика бўйича катталар ўртасида навбатдаги Осиё чемпионати бўлиб ўтди. Унда қитъамизнинг 30 мамлакатидан 200 нафарга яқин спортчи иштирок этди.

Муросасиз баҳсларда Ўзбекистон терма жамоаси 6 та олтин, 3 та кумуш ва 10 та бронза, жами 19 та медалга сазовор бўлди. Эркаклар терма жамоамиз 6 та олтин, 2 та кумуш ва 5 та бронза медали билан биринчи поғонани эгаллади.

Осиё чемпионати қаҳрамонлари Тошкент халқаро аэропортида Шаҳрулло Маҳмудов бошчилигидаги Спортни ривожлантириш вазирлиги ҳамда Ўзбекистон оғир атлетика федерацияси вакиллари томонидан тантанали кутиб олинди.

Эслатиб ўтамиз, терма жамоа аъзолари қисқа ҳордиқдан сўнг жорий йилнинг декабрь ойида Колумбиянинг Богота шаҳрида ўтадиган жаҳон чемпионатига тайёргарликни бошлайди. “Замин” янгиликларини “Telegram”да кузатиб боринг