UFC 281. Алекс Перейра Исраэл Адесаняни нокаутга учратди. Фрэнки Эдгар ва Доминик Рейес нокаутга учради (видео)

Ўзбекистон вақти билан 13 ноябрь тонгида АҚШнинг Нью-Йорк шаҳрида UFC 281 мусобақаси бўлиб ўтди.

Мусобақанинг асосий жанги ўрта вазн тоифаси чемпиони Исраэл Адесаня ва Алекс Перейра ўртасида кечди. Дастлабки тўртта раунддан учтаси Адесаня устунлигида ўтди. Бешинчи раундда Перейра зарбалар кетма-кетлигини йўллаган ҳолда рақибини нокаутга учратди.

Шу тариқа Алекс Перейра UFC ўрта вазн тоифасининг янги чемпионига айланди.

Яна асосий жанглардан бирида аёллар минимал вазн тоифаси чемпиони Кайла Эспарса собиқ чемпион Жанг Вейлига қарши октагонга чиқди. Хитойлик яккакурашчи рақибини ҳеч қандай имкон қолдирмади ва иккинчи раундда бўғиш усули билан ғалабага эришди. Шу тариқа Вейли камарини қайтариб олди.

Дастин Порье бўғиш усули билан Майкл Чендлерни енгган бўлса, Крис Гутьеррес афсонавий Фрэнки Эдгарни нокаутга учратди.

Шу ва бошқа натижалар билан қуйида танишинг:

Асосий кард
- Алекс Перейра 5-раунддаги техник эвазига Исраэл Адесаняни мағлуб этди;
- Жанг Вейли 2-раундда бўғиш усули билан Карла Эспарсани енгди;
- Дастин Порье 3-раундда сабмишен эвазига Майкл Чендлерни таслим этди;
- Крис Гутьеррес 1-раундда Фрэнки Эдгарни нокаутга учратди;
- Ден Ҳукер 2-раунддаги техник нокаут эвазига Клаудио Пуэлесни ютди.

Прелим кард
- Ренато Мойкано 1-раундда Бред Ридделни сабмишен орқали ютди;
- Райан Спанн 1-раундда Доминик Рейесни нокаутга учратди;
- Эрин Бленчфилд 1-раундда сабишен билан Молли Маккенни таслим этди;
- Андре Петровски очколар эвазига Веллингтон Турманни енгди;
- Мэтт Фревола 1-раундда Оттман Азайтарни нокаутга учратди;
- Каролина Ковалкевич очколар эвазига Сильвана Хуаресдан устун келди;
- Майк Тризано 1-раундда Чой Шин Уни нокаут қилди;
- Монтел Жексон очколар эвазига Хулио Арсени ютди;
- Карлос Улберг 1-раундда Николаэ Негумерянуни нокаутга учратди.

Алекс Перейра, Исраэл Адесаня, Фрэнки Эдгар, Доминик Рейес, UFC 281, Асосий кард, Прелим кард “Замин” янгиликларини “Twitter”да кузатиб боринг