Франция 2024 йилда бўладиган Олимпиаданинг расмий тимсолини намойиш қилди

Учбурчак шаклидаги қизил Фригия қалпоқлари 2024 йилда Парижда бўлиб ўтадиган ёзги Олимпия ўйинларининг тимсолига айланди.

Улар Олимпия ва Паралимпия ўйинлари ташкилий қўмитаси штаб-квартирасида Олимпиада бошланишидан 620 кун олдин тақдим этилди.

^{Фото: Париж-2024}
Фригия қалпоқлари бошқа нарсалар қаторида инқилобий Франциянинг рамзи ҳисобланади.

Фригия қалпоғи кўринишидаги Олимпия ўйинлари тимсоли қизил кроссовкаларни кийган. Паралимпия ўйинлари тимсоли эса бир оёғига протез кийган.

Париж-2024 ёзги Олимпия ўйинлари 2024 йилнинг 26 июлидан 11 августига қадар бўлиб ўтади. “Замин” янгиликларини “Telegram”да кузатиб боринг