ЖЧ—2022. Нидерландия Қатар устидан ишончли ғалабага эришди, Сенегал Эквадорни мағлуб этди

Футбол бўйича ЖЧ—2022 3-туридан ўрин олган А гуруҳининг икки ўйини 29 ноябрь, сешанаб куни бўлиб ўтди.

Нидерландия мусобақа мезбони Қатар билан баҳс олиб борди. Учрашувнинг 26-дақиқасида Коди Гакпо ҳисобни очди. 49-дақиқада Френки де Йонг ҳисобни ишончли кўринишга олиб келди. Қолган дақиқаларда дарвозалар ишғол этилмади.

Гуруҳнинг иккинчи ўйинида Эквадор ва Сенегал ўзаро баҳс олиб борди. Биринчи бўлим сўнгида Исмаила Сарр пенальтини аниқ амалга ошириб, Сенегални ҳисобда олдинга олиб чиқди. 67-дақиқада Мойзес Кайседо мувозанатни тиклади. Бироқ бир неча дақиқа ўтиб, Калиду Кулибали Сенегалнинг навбатдаги голини урди.

Шу тариқа Нидерландия 7 очко билан А гуруҳи етакчиси сифатида плей-оффга йўл олди. Сенегал эса 6 очко билан 2-поғонани банд этди. Эквадор 4 очко жамғарди, Қатар эса 0 очко билан гуруҳ аутсайдерига айланди.

Нидерландия — Қатар 2:0
Голлар: 1:0 – 26 Гакпо, 2:0 – 49 де Йонг.
Нидерландия: Нопперт, Думфрис, ван Дейк, Аке, Тимбер, Блинд, де Рон (Копмейнерс, 83), Классен (Бергейс, 66), де Йонг (Тайлор, 86), Депай (Янссен, 66), Гакпо (Вегорст, 82).
Қатар: Баршам, Муҳаммад, Хухи, Ро-Ро, Ҳассан, Аҳмед, Ҳодер, Ҳатем, Мадибо (Будиаф, 64), Алаа, Ал-Ҳайдос (Ассадалла, 64), Али (Мунтари, 64), Афиф.
Огоҳлантириш: Аке (52).

Эквадор — Сенегал 1:2
Голлар: 0:1 – 44 Сарр (пенальти), 1:1 – 67 Кайседо, 1:2 – 70 Кулибали.
Эквадор: Галиндес, Пресиадо, Торрес, Инкапиэ, Эступиньян, Поросо, Груэсо (Сифуэнтес, 46), Франко (Сармиэнто, 46), Кайседо, Плата, Валенсия, Эстрада (Реаско, 64).
Сенегал: Менди, Сабали, Кулибали, Диалло, Якобс, Менди, Гуйе, Гуйе, Сисс, Ндиай, Денг, Сарр, Диа.
Огоҳлантириш: Гуйе (66).

"A" гуруҳидаги якуний ҳолат:
“Замин” янгиликларини “Twitter”да кузатиб боринг