Бор-йўғи 3 та сўз: Лука Модрич Хорватия сенсацион равишда Бразилияни мағлуб этгач, "твит" қолдирди

Хабарингиз бор, ЖЧ-2022 чорак финалида Хорватия Бразилия термаси билан куч синашди.

Хорватия пенальтилар сериясида ғалаба қозониб, Бразилияни уйига жўнатиб юборди. 37 ёшли Лука Модрич эса ўша серияда Алиссон дарвозасини ишғол қилганлардан бири бўлди.

Хорватлар учун ўйин максимал равишда қийин кечди – дарвозабон Доминик Ливакович 9 та сэйв амалга оширди, қўшимча бўлимларда эса у ҳам ёрдам беролмади – Неймар ажойиб ҳаракатларини гол билан якунлади.

Бироқ баҳс тугашига 4 дақиқа қолганида Бруно Петкович ҳисобни тенглаштири ва масалани ҳал қилиш пенальтилар сериясига қолди.

Беллашувдан сўнг Модрич "Твиттер"да қисқа изоҳ билан расм қолдирди. Шу "твит"нинг ўзиёқ Лука менталитетини билиш учун етарлидек:

Ҳеч қачон. Таслим бўлма.
Бу хорватнинг ўзига хос шиорига айланиб қолган десак, муболаға бўлмайди. "Реал"нинг "Челси"га қарши Чемпионлар Лигаси-21/22даги ақлбовар қилмас камбэкидан кейин ҳам Лука деярли шунақа сўзларни ёзганди:
“Замин” янгиликларини “Одноклассники”да кузатиб боринг